‘স্নাতক’ নীতা আম্বানিক অধ্যাপক হোৱাৰ প্ৰস্তাৱ

বেনাৰস হিন্দু বিশ্ববিদ্যালয়ৰ চিঠিক লৈ বিতৰ্ক

আমাৰ অসম, ১৬ মাৰ্চঃ ৰিলায়েন্স ইণ্ডাষ্ট্ৰিজৰ মুৰব্বী মুকেশ আম্বানিৰ পত্নী নীতা আম্বানিক বেনাৰস হিন্দু বিশ্ববিদ্যালয়ে অতিথি অধ্যাপক হিচাপে পাঠদানৰ প্ৰস্তাৱ আগবঢ়াইছে৷ বিশ্ববিদ্যালয়খনৰ সমাজ বিজ্ঞান বিভাগৰ তৰফৰ পৰা এই সন্দৰ্ভত যোৱা ১২ মাৰ্চৰ দিনা নীতা আম্বানিক এক পত্ৰ প্ৰেৰণ কৰা হয়৷ কিন্তু বাণিজ্যৰ স্নাতক নীতা আম্বানিক কি অৰ্হতাৰ ভিত্তিত বিশ্ববিদ্যালয়খনে অতিথি অধ্যাপকৰ বাবে নিৰ্বাচিত কৰিছে তাকে লৈ এতিয়া বিতৰ্কৰ সৃষ্টি হৈছে৷