বিশ্বৰ সৰ্ববৃহৎ পৰিয়ালত কৰ’না ভাইৰাছৰ আক্ৰমণ

মিজোৰামত থকা পৰিয়ালটোৰ ১২ সদস্য ‘পজিটিভ’

আমাৰ অসম, ২৭ জুলাইঃ মিজোৰামৰ প্ৰয়াত জিঅ’না ছানাৰ  পৰিয়ালৰ ১২জন সদস্য কৰ’নাত আক্ৰান্ত হৈছে৷ উল্লেখ্য যে জিঅ’না ছানাৰ  পৰিয়ালটো বিশ্বৰ ভিতৰতে আটাইতকৈ বৃহৎ পৰিয়াল বুলি খ্যাত৷ এই পৰিয়ালটোত আছে ১৬৬জন সদস্য৷ ইয়াৰে ৯৪জন জিঅ’না ছানাৰ সন্তান, ৩৯জন পত্নী আৰু  ৩৩টা নাতি তথা আজো-নাতি৷ স্মৰ্তব্য যে বিশ্বৰ সৰ্ববৃহৎ পৰিয়ালটোৰ মুৰব্বী জিঅ’না ছানাৰ যোৱা মাহত মৃত্যু ঘটিছিল৷ এইবাৰ তেওঁৰ পৰিয়ালৰ ওপৰত পৰিছে কৰ’নাৰ ক’লা ছাঁয়া৷ তেওঁৰ পৰিয়ালটোৰ ১২জন সদস্যই কৰ’নাত আক্ৰান্ত হৈছে৷