এই কৰ্মশালাত 'শ্ৰী শ্ৰী ইনছটিটিউট অৱ এগ্ৰিকালচাৰেল চাইঞ্চ এণ্ড টেকন’লজি ট্ৰাষ্ট' (এছএছআইএএছটি)ৰ প্ৰতিনিধি তথা বিশেষজ্ঞসকলে অংশগ্ৰহণ কৰি প্ৰাকৃতিক কৃষি পদ্ধতিৰ বিভিন্ন দিশৰ বিষয়ে আলোচনা কৰে। তদুপৰি এই কাৰ্যসূচীত কৃষি বিভাগ আৰু এছএছআইএএছটিৰ মাজত এখন বুজাবুজিৰ চুক্তিও স্বাক্ষৰিত হয়।

কৰ্মশালাৰ প্ৰথম দিনা কৃষি বিভাগৰ অতিৰিক্ত মুখ্য সচিব তথা কৃষি উৎপাদন আয়ুক্ত ডাঃ আশিস কুমাৰ ভূটানী, কৃষি সঞ্চালক ভাস্কৰ পেগু, উদ্যান শস্য তথা পশুখাদ্য পৰামৰ্শদাতা খগেন শৰ্মা, এছএছআইএএছটিৰ অধ্যক্ষ ড° বন্দি প্ৰভাকৰ ৰাও, এছএছআইএএছটিৰ সম্প্ৰসাৰণ সঞ্চালক সবিতা ভূটানী, এৰিয়াছ ছ’চাইটীৰ ৰাজ্যিক প্ৰকল্প সঞ্চালক বীৰেন্দ্ৰ মিত্তল, এছএছআইএএছটিৰ ট্ৰাষ্টী মেলকম চেশাদ্ৰী ৰংঙৰাজ আৰু অৰ্চনা ঝা প্ৰমুখ্যে বিভাগীয় বিষয়া-কৰ্মচাৰীসকল উপস্থিত থাকে।