'আমাৰ অসম'ৰ শিলচৰৰ প্ৰতিনিধি, ১৮ মাৰ্চঃ "কংগ্ৰেছক ভোট দি কোনো লাভ নাই, জয়ী হ'লে বিজেপিত যোগদান কৰিব। গতিকে কংগ্ৰেছক ভোট দি কোনো লাভ নাই। কংগ্ৰেছ প্ৰাৰ্থী কংগ্ৰেছত থাকিব নে নাথাকিব সেয়া প্ৰথমে জানি লোৱা ভাল৷" সোমবাৰে বৰাক ভ্ৰমণৰ সময়ত সাংবাদিকৰ আগত এই মন্তব্য দিয়ে মুখ্যমন্ত্ৰী হিমন্ত বিশ্ব শৰ্মাই ।  

লগতে তেওঁ কয় যে এজনৰ বাহিৰে সকলোকে বিজেপিলৈ আনিব পাৰোঁ। তেন্তে কংগ্ৰেছক ভোট দি কি লাভ হ'ব। সকলো মোদীৰ ক্ৰেডিট। মোদী সূৰ্য আৰু আমি চন্দ্ৰ। সংখ্যালঘু আৰু সংখ্যাগুৰু কৈ একো লাভ নাই। কিয়নো সকলে মোদীৰ ক্ৰেডিট। সবকা সাথ, সবকা বিকাশ, সবকা বিশ্বাসে কাম কৰিব। 

শিলচৰ আৰু কৰিমগঞ্জ লোকসভা সমষ্টিত নিৰ্বাচনী প্ৰস্তুতিৰ বাবে পৃথকে আয়োজন কৰা ভাৰতীয় জনতা পাৰ্টিৰ বিশেষ সাংগঠনিক সভাত অংশগ্ৰহণ কৰে মুখ্যমন্ত্ৰী ড° হিমন্ত বিশ্ব শৰ্মা। মুখ্যমন্ত্ৰীয়ে প্ৰথমে কৰিমগঞ্জ বিজেপিৰ কাৰ্যনিৰ্বাহক সন্মিলনত অংশগ্ৰহণ কৰে। তাৰ পিছত  শিলচৰ জিলা বিজেপিৰ কাৰ্যালয়ত অনুষ্ঠিত লোকসভা নিৰ্বাচনৰ প্ৰস্তুতি সভাত অংশগ্ৰহণ কৰে।

মুখ্যমন্ত্ৰীৰ উপস্থিতিত কেইবাশ লোকে বিজেপিত যোগদান কৰে। বৈঠকত মুখ্যমন্ত্রীয়ে কাছাৰ জিলাৰ লোকসভা নির্বাচনৰ সাংগঠনিক প্রস্তুতিৰ পর্যালোচনা কৰে৷ সংবাদ মাধ্যমৰ আগত মুখ্যমন্ত্রী হিমন্ত বিশ্ব শৰ্মাই কয় যে শিলচৰৰ সাংসদ ৰাজদ্বীপ ৰয় এজন ভাল মানুহ আছিল৷ এইবাৰৰ প্ৰাৰ্থী পৰিমল শুক্লবৈদ্য এগৰাকী ভাল মানুহ। দলীয় প্ৰাৰ্থীৰ মনোনয়ন পত্ৰ দাখিল কৰাৰ সময়ত পুনৰ শিলচৰলৈ আহিব তেওঁ। বৰাকত লোকসভা নির্বাচনত ভাল প্রার্থী দিয়া হৈছে। শিলচৰ আৰু কৰিমগঞ্জ লোকসভা নির্বাচনৰ দলীয় প্রস্তুতি চূড়ান্ত পর্যায়ত। তদুপৰি তেওঁ কয় যে শিলচৰত আঢ়ৈ লাখ আৰু কৰিমগঞ্জত ডেৰ লাখ ভোটত জয়ী হব বিজেপি প্রার্থী। ৰাজ্যত লোকসভা নির্বাচনত বিজেপিয়ে বৃহৎ জয়লাভ কৰিব বুলি আশা ব্যক্ত কৰে মুখ্যমন্ত্রীয়ে।

লগতে তেওঁ কয় যে সংখ্যালঘু বা সংখ্যাগৰিষ্ঠৰ কথা নহয়। সংখ্যালঘু লোক অৰুণোদয় সহ চাকৰিৰ পৰা কোনো ধৰণৰ সুবিধাৰ পৰা বঞ্চিত হোৱা নাছিল।  উৎকোচ নোহোৱাকৈ চাকৰি পালে।  কংগ্ৰেছৰ সময়ত নহয়।  গতিকে এইচব প্ৰশ্ন উত্থাপন হ’ব নোৱাৰে।  আৰু ৰাজ্য চৰকাৰে সংখ্যালঘুৰ বাবে অধিক কাম কৰিছে।  এই দিনা মুখ্যমন্ত্ৰীয়ে দৃঢ়তাৰে কয় যে, সকলোৱে বিজেপিক ভোট দিব।  লগতে মুখ্যমন্ত্রীয়ে কয় যে বিজেপিয়ে ১৩খন আসন লাভ কৰিব৷  গুৱাহাটী সমষ্টিত সৰ্বাধিক ভোট লাভ কৰিব।আজিৰ দিনটোত মুখ্যমন্ত্ৰীয়ে কয় যে সাংগঠনিক সভাত বুথ পৰ্যায়ৰ নিৰ্বাচনী প্ৰচাৰ প্ৰক্ৰিয়াৰ বিষয়ে আলোচনা কৰা হৈছিল।

 এই দিনা শিলচৰ কুম্ভীৰগ্ৰাম বিমানবন্দৰত অৱতৰণ কৰাৰ পিছত সোমবাৰে পুৱা প্ৰায় ৯ বজাত কৰিমগঞ্জলৈ আহে মুখ্যমন্ত্ৰীগৰাকী। এই দিনা কুম্ভীৰগ্ৰাম বিমানকোঠৰ পৰা বিধায়ক কমলাক্ষ দে পুৰকায়স্থ, বিধায়ক বিজয় মালাকাৰ , কৰিমগঞ্জৰ সাংসদ প্ৰাৰ্থী কৃপানাথ মালাহ, চা নিগমৰ চেয়াৰমেন ৰাজদীপ গোয়ালকে ধৰি বহুকেইজন ব্যক্তি মুখ্যমন্ত্ৰীৰ ভ্ৰমণ সংগী হিচাপে হেলিকপ্টাৰত আছিল।  এই ছবিখনক লৈ ছচিয়েল মিডিয়াত ব্যাপক চৰ্চা লাভ কৰে।