বান্দৰৰ খাদ্যৰ কাৰণে ১.৪২ কোটি টকা দান কৰিলে বলীউডৰ জনপ্ৰিয় অভিনেতা অক্ষয় কুমাৰে৷ এই বিশাল ধনৰাশি ব্যয় কৰা হ’ব অযোধ্যাৰ কপিকুলৰ দৈনন্দিন খাদ্যৰ কাৰণে৷ জগতগুৰু স্বামী ৰাঘৱাচাৰ্যৰ তত্বাৱধানত পৰিচালিত হৈ আহিছে অযোধ্যাৰ অঞ্চনেয়া সেৱা ট্ৰাষ্ট৷ 

প্ৰতিষ্ঠানটোৱে বান্দৰৰ খাদ্য যোগানৰ কাৰণে মহৎ পদক্ষেপ হাতত লৈছে৷ সাহায্যৰ কাৰণে বলীউডৰ খিলাড়ী কুমাৰ অক্ষয়ৰ সৈতে যোগাযোগ কৰে ট্ৰাষ্ট কতৃৰ্পক্ষই৷ এই প্ৰস্তাৱ গ্ৰহণ কৰি অক্ষয় কুমাৰে বান্দৰৰ দৈনিক খাদ্যৰ বাবে ১ কোটি ৪২ লাখ টকা দান দিয়ে৷ অভিনেতাজনৰ বদান্যতাৰ প্ৰকৃতিপ্ৰেমীসকলে একেমুখে শলাগ লৈছে৷