ইছলাম ধৰ্ম ত্যাগ কৰি হিন্দু ধৰ্ম গ্ৰহণ এটা পৰিয়ালৰ

'আমাৰ অসম'ৰ সোণাপুৰৰ প্ৰতিবেদক, ২০ ডিচেম্বৰঃ  ইছলাম ধৰ্মালম্বী লোকৰ বসতি অঞ্চল সোণাপুৰৰ কচুতলীৰ এটা মুছলমান পৰিয়ালে গ্ৰহণ কৰিলে হিন্দু ধৰ্ম৷ হিন্দু ধৰ্মৰ প্ৰতি আকৃষ্ট হৈ শুকুৰবাৰে ইছলাম ধৰ্ম ত্যাগ কৰি  হিন্দু ধৰ্ম গ্ৰহণ কৰিলে স্বামী-স্ত্ৰীয়ে ৷হিন্দু ধৰ্ম গ্ৰহণ কৰি সলনি কৰিলে নিজৰ লগতে পত্নীৰ নাম৷ হাফিজ আলিৰ নাম হ'লগৈ ৰাহুল বড়ো আৰু ৰিজুৱানা বেগমৰ নতুন নাম ভূমিকা বড়ো৷

উল্লেখ্য যে তিনিমাহ পূৰ্বে কচুতলীত অবৈধভাৱেবে বাস কৰা লোকসকলক জিলা প্ৰশাসনে উচ্ছেদ কৰিছিল ৷ তাৰ পিছতে  প্ৰথমবাৰৰ বাবে কচুতলীত সনাতনী ধৰ্মৰ লোকসকলৰ লগতে বিভিন্ন দল-সংগঠনৰ উদ্যোগত আয়োজন কৰা হৈছিল লক্ষী পূজা ৷ হিন্দু ধৰ্মৰ এই পূজাৰ প্ৰতি আকৃষ্ট হয় কচুতলীৰ  হাফিজ আলিৰ পৰিয়ালটি ৷ যাৰ বাবে আৰ এছ এছ, বজৰংগ দল, বিশ্ব হিন্দু পৰিষদৰ কৰ্মীৰ উপস্থিতিত তেওঁলোকে গ্ৰহণ কৰে হিন্দু ধৰ্ম ৷ সকলো নীতি-নিয়মেৰে আনুষ্ঠানিকভাৱে তেওঁলোকে গ্ৰহন কৰে হিন্দু ধৰ্ম ৷ ইপিনে ধৰ্মান্তৰকৰণৰ পাছতে কচুতলীৰ মুছলমানসকলে পৰিয়ালটিৰ সৈতে সম্পৰ্ক ছেদ কৰিছে ৷