ডিজিটেল সংবাদ, ৰহাঃ নগাঁও জিলাৰ ৰহা ৰাজহ চক্ৰ কাৰ্যালয়ত শুকুৰবাৰে ঘোচ লৈ হাত ডাঙিলে এজন লাট মণ্ডলে। জানিব পৰা‌ মতে, অভিযুক্ত লাট মণ্ডল জনৰ নাম দিলীপ ৰয়। অভিযোগ মতে, জৰাবাৰী-৭ লাটৰ লাট মণ্ডল দিলীপ ৰয়ে এজন ব্যক্তিৰ মাটি থকা প্ৰমাণপত্ৰ আৰু টেষ্টমেপ প্ৰদানৰ নামত ২০ হাজাৰ টকা উৎকোচ বিচাৰিছিল। আবেদনকাৰীয়ে উক্ত ধন দিবলৈ মান্তি নোহোৱাত লাট মণ্ডল দিলীপ ৰয়ে বহুদিন ধৰি বিভিন্ন অজুহাট দেখুৱাই প্ৰমাণ পত্ৰ প্ৰদান কৰা নাছিল। কিন্তু পৰৱৰ্তী সময়ত দিলীপ ৰয়ে ১৫ হাজাৰ টকাত হ'লেহে উক্ত প্ৰমাণ পত্ৰ দিয়া হ'ব বুলি কোৱাত উপায়ন্ত হৈ অভিযোগকাৰীয়ে দুৰ্নীতি নিবাৰক শাখাত গোচৰ দিয়ে। এই গোচৰৰ ভিত্তিত ৰহা ৰাজহ চক্ৰ কাৰ্যালয়ত উপস্থিত হৈ নগদ ৫ হাজাৰ টকা উৎকোচ লোৱাৰ সময়তে দুৰ্নীতি নিবাৰক শাখাই লাট মণ্ডল দিলীপ ৰয়ক গ্ৰেপ্তাৰ কৰে।