![image](https://aamarasom.com/uploads/posts/joe biden.jpg1611403073.jpg1611643250.jpg)
২৯খন দেশৰ বিৰুদ্ধে ভ্ৰমণ নিষেধাজ্ঞা বাইডেনৰ
আমাৰ অসম, ২৬ জানুৱাৰীঃ বিদায়ৰ আগে আগে মাৰ্কিন ৰাষ্ট্ৰপতি ড’নাল্ড ট্ৰাম্পে বিভিন্ন দেশৰ ওপৰত আৰোপ কৰা ক’ভিড সম্পৰ্কীয় ভ্ৰমণ নিষেধাজ্ঞা বাতিল কৰি থৈ যায়৷ যাৰ ফলত এই দেশসমূহৰ পৰা আমেৰিকালৈ অহা-যোৱা কৰাৰ সুযোগ লাভ কৰে লোকসকলে৷ কিন্তু জ’ বাইডেনে আমেৰিকাৰ ৰাষ্ট্ৰপতি হিচাপে দায়িত্ব লোৱাৰ পাছতে এতিয়া ট্ৰাম্প প্ৰশাসনৰ উক্ত নিৰ্দেশ প্ৰত্যাহাৰ কৰাৰ সিদ্ধান্ত লয়৷ সোমবাৰে এটা কাৰ্যকৰী নিৰ্দেশত স্বাক্ষৰ কৰি বাইডেনে ব্ৰিটেইন, ব্ৰাজিল, দক্ষিণ আফ্ৰিকা আৰু ইউৰোপৰ ২৬খন দেশৰ ওপৰত পুনৰ ভ্ৰমণ নিষেধাজ্ঞা আৰোপ কৰিবলৈ সিদ্ধান্ত লয়৷ ফলত এই দেশসমূহৰ পৰা এতিয়া আমেৰিকালৈ কোনো লোক আহিব নোৱাৰিব৷ আমেৰিকাত এতিয়াও কৰ’না ভাইৰাছৰ ত্ৰাস হ্ৰাস পোৱা নাই৷ চাৰি লাখৰো অধিক লোকৰ মৃত্যু হৈছে দেশখনত৷ তেনে অৱস্থাত এই দেশসমূহৰ পৰা আমেৰিকালৈ পুনৰ লোক আহিবলৈ ল’লে আমেৰিকাৰ পৰিস্থিত ভয়ংকৰ হৈ পৰাৰ সম্ভাৱনাই বেছি৷ গতিকে বাইডেন প্ৰশাসনে ট্ৰাম্পৰ সিদ্ধান্ত প্ৰত্যাহাৰ কৰাৰ সিদ্ধান্ত লয়৷ উল্লেখ্য, বাইডেন প্ৰশাসনে আমেৰিকাত কৰ’না ৰোধৰ বাবে কঠোৰ ব্যৱস্থা গ্ৰহণ কৰিছে৷ ৰাজহুৱা স্থানত মাস্ক বাধ্যতামূলক কৰিছে৷