বিশ্বৰ শীৰ্ষ ১০জন সুদৰ্শন তাৰকাৰ তালিকাত শ্বাহৰুখ

প্ৰকাশ পালে বিশ্বৰ সুদৰ্শন অভিনেতাৰ তালিকা৷ প্ৰাচীন গ্ৰীক গণিত অনুসৰি সৌন্দৰ্য মাপকাঠি পদ্ধতিক কোৱা হয়  ‘গোল্ডেন ৰেছিঅ’ অব বিউটী ফাই ষ্টেণ্ডাৰ্ড’৷ সম্প্ৰতি এক  কছমেটিক ছাৰ্জনে বিশ্বৰ শ্ৰেষ্ঠ ১০ সুদৰ্শন পুৰুষ চেলিব্ৰিটীৰ নামৰ তালিকা প্ৰকাশ কৰিছে গোল্ডেন ৰেছিঅ’ৰ মাধ্যমে৷ এই তালিকাত বিশ্বৰ নামী-দামী তাৰকাৰ নাম স্থান পাইছে৷ সেই তালিকাত স্থান পাইছে বলীউডৰ বাদশ্বাহ শ্বাহৰুখ খানেও

 হাৰ্লে ষ্টিট ফেছিয়েল কছমেটিক ছাৰ্জণ্ট ডাঃ জুলিয়ান চি চিনাভাই এই তালিকা প্ৰকাশ কৰিছে৷ গ্ৰীক গাণিতিক সমীকৰণ পদ্ধতিৰে প্ৰস্তুত কৰা তালিকাত প্ৰথম স্থানত আছে এৰণ টেইলাৰ জনছন৷ অৰ্থাৎ বিশ্বৰ আটাইতকৈ সুদৰ্শন অভিনেতাজন হ’ল এৰণ টেইলৰ জনছন৷ ‘নিউয়ৰ্ক পোষ্টত প্ৰকাশিত বাতৰি মতে, গোল্ডেন ৰেছিঅ’ মাপ অনুযায়ী ৩৪ বছৰীয়া এৰণৰ চেহেৰা ৯৩-০৪ শতাংশ নিখুঁত৷ তালিকাত দ্বিতীয় স্থানত আছে বৃটিছ অভিনেতা লুছিয়েন (৯২.৪১), তৃতীয় পল মেচকাল (৯২.৩৮), চতুৰ্থ ৰবাৰ্ট পেটিছন (৯২.১৫), পঞ্চম জেক লোডেন (৯০-৩৩), ষষ্ঠ স্থানত জৰ্জ ক্লুলি (৮৯.৯), সপ্তম নিকোলাছ হল্ট (৮৯.৮৪), অষ্টম স্থানত চাৰ্লছ মেল্টন (৮৮.৪৬), নৱম ইদ্ৰিছ এলবা (৮৭.৯৪) আৰু দশম স্থানত আছে বলীউডৰ কিং খান শ্বাহৰুখ খান৷ ৫৮ বছৰীয়া শ্বাহৰুখৰ ৮৬.৭৬ শতাংশ নিখুঁত৷