দীপাৱলী উপলক্ষে মাৰোৱাৰী সন্মিলনৰ প্রীতি সন্মিলন আয়োজন

ডিজিটেল সংবাদ,গুৱাহাটী : গুৱাহাটীঃ মাৰোৱাৰী সন্মিলনৰ গুৱাহাটী শাখাৰ উদ্যোগত বিগত বহু বছৰ ধৰি হোলী আৰু দীপাৱলী উপলক্ষে প্ৰীতি সন্মিলনৰ আয়োজন কৰি আহিছে। বিগত বছৰৰ দৰে এইবছৰো গুৱাহাটী গৌশালা প্রাংগনত দীপাৱলী প্ৰীতি সন্মিলনৰ আয়োজন কৰা হয়। এই সন্মিলনত প্রত্যেক শ্রেণীৰ লোক উপস্থিত হৈ এজনে আনজনক দীপাৱলীৰ শুভেচ্ছা জনায়। কনিষ্ঠসকলে বয়োজ্যেষ্ঠসকলৰ ভৰি চুই আশীৰ্বাদ লয়। গুৱাহাটী শাখাৰ সভাপতি শংকৰ বিৰলাই কয় যে দীপাৱলী উপলক্ষে গুৱাহাটী শাখাই বহু বছৰ ধৰি এনেদৰে প্রীতি সন্মিলনৰ আয়োজন কৰি আহিছে, য'ত সমাজৰ সকলো শ্ৰেণীৰ লোক একেখন প্রাংগনতে উপস্থিত থাকে। গুৱাহাটী মহানগৰত ইমান বৃহৎ মাৰোৱাৰী সম্প্ৰদায়ৰ লোকসকলৰ বাবে ইজনে সিজনক লগ পোৱাটো কঠিন হৈ পৰে। যাৰ বাবে এই লোকসকলক একত্রিত কৰাৰ উদ্দেশ্যে প্রতি বছৰে প্রীতি সন্মিলনৰ আয়োজন কৰা হয়।

এই উপলক্ষে গুৱাহাটী শাখাৰ উপদেষ্টা অশোক ধনুকা, কৈলাশ লোহিয়া, প্ৰদীপ ভাদেচ, শৰদ জৈন, ৰামাৱতাৰ বুড়াকিয়া, কিশোৰ ছাবু, সাগৰমল বুড়াকিয়া, আনন্দ পোদ্দাৰ, সুভাষ চিকাৰিয়া, দীনদয়াল শিৱটীয়া, ৰতন শৰ্মা, আৰ এছ যোশী , সজ্জন আগৰৱাল, ডি পি বাজাজ, ঘনশ্যাম ধনুকা, ৰাজকুমাৰ শৰ্মা, বংসাত মিট্টলৰ উপৰিও উত্তৰ-পূব আঞ্চলিক মাৰোৱাৰী সন্মিলনৰ প্রাক্তন প্ৰাদেশিক সভাপতি ওমপ্ৰকাশ খাণ্ডেলৱাল, প্ৰাদেশিক সাধাৰণ সম্পাদক বিনোদ লোহিয়া, প্ৰাদেশিক কোষাধ্যক্ষ অশোক আগৰৱালা, প্ৰাদেশিক উপ-সভাপতি (মুখ্য কাৰ্যালয়) ৰমেশ চন্দক, প্ৰাদেশিক সংমণ্ডল উপ-সভাপতি সুশীল গোৱাল উপস্থিত থাকে। গুৱাহাটী প্রচাৰ বিভাগৰ দায়িত্বত থকা নৰেন্দ্ৰ ছোনীয়ে কয় যে সন্মিলনৰ খাদ্য যোগান সমিতিৰ উপ সভাপতি প্রদীপ ভূৱালকাৰে বিশেষ সহযোগিতা আগবঢ়াইছে।