গীতা চুই শপতগ্ৰহণ এফবিআইৰ মুৰব্বী কেশ পেটেলৰ

‘আমাৰ অসম’ৰ বিশেষ প্ৰতিবেদন, ২২ ফেব্ৰুৱাৰীঃ  দেশখন আমেৰিকা, য’ৰ বিশ্বখ্যাত তদন্তকাৰী সংস্থা এফ বি আইৰ মুৰব্বী হিচাপে দায়িত্ব ল’লে ভাৰত বংশোদ্ভৱ কেশ পেটেলে৷ খ্ৰীষ্টান ধৰ্মাৱলম্বীৰ সংখ্যাগৰিষ্ঠতা থকা দেশতো নিজ ধৰ্ম, সংস্কৃতিক প্ৰাধান্য দি গীতাত হাত থৈ শপত ল’লে কেশ পেটেলে৷      

তাৎপৰ্যপূৰ্ণ, কেশ পেটেলৰ শপতগ্ৰহণ অনুষ্ঠানত উপস্থিত আছিল স্বয়ং ৰাষ্ট্ৰপতি ড’নাল্ড ট্ৰাম্প৷ উল্লেখ্য, কেশ পেটেলেই প্ৰথম ভাৰতীয় বংশোদ্ভৱ এফ বি আইৰ প্ৰধান৷ শনিবাৰে হোৱাইট হাউছৰ ইইঅবি ভৱনৰ ভাৰতীয় চুক্তি কক্ষত কেশ পেটেলৰ শপতগ্ৰহণৰ অনুষ্ঠান আয়োজন কৰা হৈছিল৷ অনুষ্ঠান পৰিচালনা কৰিছিল আমেৰিকাৰ এটৰ্নী জেনেৰেল পাম বণ্ডিয়ে৷ অনুষ্ঠানত ট্ৰাম্পে ক’লে–‘মই কেশক পচণ্ড কৰো৷ এই কামৰ দায়িত্ব যাতে তেওঁ লাভ কৰে, সেয়া মই প্ৰথমৰ পৰাই বিচাৰিছিলো৷ এফ বি আইৰ সকলো এজেণ্টে তেওঁক ভীষণ¸ সন্মান কৰে৷ এই পদৰ বাবে কেশ সবাটোকৈ উপযুক্ত৷’