চাপমুক্ত হৈ থকাৰ টিপছ ধোনিৰ

মহেন্দ্ৰ সিং ধোনিক জনা যায় ‘কেপ্টেইন কুল’ হিচাপে৷ বৰফ শীতল মস্তিষ্কৰে তেওঁ চম্ভালিব পাৰে যিকোনো কঠিন পৰিস্থিতি৷ খেলপথাৰত তেওঁ সদায়েই চাপমুক্ত হৈ থকা দেখা যায়৷ ধোনিৰ চাপমুক্ত জীৱন অনেকৰ বাবে আলোচনাৰ বিষয়৷ কিদৰে চাপমুক্ত হৈ থাকিব পাৰি সেই বিষয়ে ধোনিয়ে নিজেই প্ৰকাশ কৰিছে এটা অনুষ্ঠানত৷ তেওঁ কয়–‘মোৰ মতে জীৱনটো সহজভাৱে লওক৷ নিজৰ প্ৰতি সৎ হওক৷ সকলোৰে প্ৰতি সহানুভূতিশীল হওক৷

আপোনাৰ জীৱনত কোনো নহয় কোনো ধৰণে ভাল কৰা প্ৰত্যেক মানুহৰ প্ৰতি কৃতজ্ঞ হওক৷ মই আৰু অধিক বিচাৰো বুলি সকলো সময়তে ভবা বন্ধ কৰক৷’ ধোনিৰ সহজ জীৱন-যাপনো অনেকৰ বাবে আলোচনাৰ বিষয়৷ সমগ্ৰ বছৰটো তেওঁ পৰিয়াল আৰু বন্ধু-বৰ্গৰ সৈতে সময় পাৰ কৰাৰ চেষ্টা কৰে৷ আই পি এলৰ সময়ত খেলাত মনোনিৱেশ কৰে৷ ধোনিক লৈ এটা এপ মুকলিৰ অনুষ্ঠানত তাৰকাজনে আৰু কয়–‘মই কও সকলোৰে প্ৰতি কৃতজ্ঞ হৈ থকাৰ চেষ্টা কৰক৷ ধন্যবাদ জনাওক৷ ডাঙৰক সন্মান কৰক৷ সৰুক মৰম দিয়ক৷’