চেম্পিয়নছ ট্ৰফীৰ পৰা নাম প্ৰত্যাহাৰৰ কাৰণ জনালে ষ্টাৰ্কে

নতুন দিল্লী, ২৭ ফেব্ৰুৱাৰীঃ  চেম্পিয়নছ ট্ৰফী আৰম্ভ হোৱাৰ পূৰ্বে প্ৰতিযোগিতাখনৰ পৰা নাম প্ৰত্যাহাৰ কৰিছিল মিচেল ষ্টাৰ্কে৷ ব্যক্তিগত কাৰণত প্ৰতিযোগিতাখনৰ পৰা নাম প্ৰত্যাহাৰ কৰা বুলি জনাইছিল অষ্টে˜লিয়ান বলাৰজনে৷ কিন্তু শেহতীয়াকৈ প্ৰতিযোগিতাৰ পৰা নাম প্ৰত্যাহাৰৰ কাৰণ ৰাজহুৱা কৰিছে ষ্টাৰ্কে৷ গোৰোহাৰ আঘাতৰ বাবে প্ৰতিযোগিতাৰ পৰা নাম প্ৰত্যাহাৰ কৰিবলৈ ব্যাধ্য হোৱা বুলি জনাইছে বলাৰজনে৷ এটা পডকাষ্টত আলোচনাৰ সময়ত ষ্টাৰ্কে কয়–‘নাম প্ৰত্যাহাৰৰ কেইবাটাও কাৰণ আছে৷ ব্যক্তিগত কাৰণো আছে৷

ভাৰতৰ বিৰুদ্ধে সমগ্ৰ শৃংখলাত গোৰোহাৰ আঘাত লৈ খেলিছিলো৷ লগতে সন্মুখত আছে বিশ্ব টেষ্ট চেম্পিয়নশ্বিপৰ ফাইনেল আৰু ৱেষ্ট ইণ্ডিজ ভ্ৰমণ৷ আই পি এলতো খেলিব লাগিব৷ কিন্তু সকলোৰে আগত বিশ্ব টেষ্ট চেম্পিয়নশ্বিপৰ ফাইনেল৷ ইয়াৰ আগেয়ে পূৰ্ণ সুস্থ হৈ উঠিব লাগিব৷ পৰৱৰ্তী দুমাহ যথেষ্ট ক্ৰিকেট খেলিব লাগিব৷ তাৰ পাছত ফাইনেলৰ প্ৰস্তুতি আছে৷’ উল্লেখ্য, যোৱাবাৰ ভাৰতক পৰাস্ত কৰি বিশ্ব টেষ্ট চেম্পিয়নশ্বিপৰ ফাইনেল জয় কৰিছিল অষ্ট্ৰেলিয়াই৷ এইবাৰ সন্মুখত আছে দক্ষিণ আফ্ৰিকা৷ ক্ৰমাগত দুবাৰ বিশ্ব টেষ্ট চেম্পিয়নশ্বিপৰ খিতাপ জয়ৰ সুযোগ আছে অষ্ট্ৰেলিয়াৰ সন্মুখত৷