ফটা বাঁহ জোৰা নালাগিল

‘আমাৰ অসম’ৰ ষ্টাফ ৰিপ’ৰ্টাৰ, ২ মাৰ্চঃ  ৰাজ্যৰ পাঁচটা বিধানসভা সমষ্টিৰ উপ-নিৰ্বাচনতে ফাট মেলিছিল বিৰোধী ঐক্যৰ৷ প্ৰাৰ্থিত্বকেন্দ্ৰিক সংঘাতৰ বাবে পাঁচোটা সমষ্টিতে বিজেপি নেতৃত্বাধীন মিত্ৰজোঁটৰ সন্মুখত ধৰাশায়ী হৈছিল বিৰোধী ঐক্যমঞ্চ যাৰ নাম পাছলৈ হৈছিল অসম সন্মিলিত মৰ্চা [অসম]৷ ‘অসমে’ বিচৰা মতে সমষ্টি এৰি নিদিয়াক লৈ হোৱা সংঘাতৰ অংশ ৰূপে সন্মিলিত মৰ্চাৰ সভাপতি পদৰ পৰা পদত্যাগ কৰিছিল প্ৰদেশ কংগ্ৰেছৰ সভাপতি ভূপেন বৰাই৷ ২০২৬ চনৰ বিধানসভা নিৰ্বাচনতো যাতে সদ্য অনুষ্ঠিত উপ-নিৰ্বাচনৰ দৰে নহয় তাৰ বাবে ফটা বাঁহ জোৰা লগাবলৈ উদ্যোগ লয় বিশিষ্ট বুদ্ধিজীৱী ড॰ হীৰেন গোহাঁই, হৰেকৃষ্ণ ডেকা, সাংসদ অজিত কুমাৰ ভূঞা, শিক্ষাবিদ আব্দুল মান্নান আদিয়ে৷ স্বাস্থ্যজনিত কাৰণত ড॰ হীৰেন গোহাঁই উপস্থিত থাকিব নোৱাৰিলেও অজিত কুমাৰ ভূঞা, হৰেকৃষ্ণ ডেকাই নেতৃত্ব লয় বিৰোধী দলসমূহক একত্ৰিত কৰিবলৈ আহ৩ান জনোৱা সভাৰ৷ কিন্তু বৈঠকত ফটা বাঁহ জোৰাতো নালাগিলেই, ওলোটাই শত্ৰু পক্ষৰ ওচৰত হাঁহিয়াতৰ পাত্ৰহে হৈ পৰিল বিৰোধী শিবিৰ৷ কিয়নো বিৰোধী ঐক্যমঞ্চৰ দলসমূহৰ মাজত আছে যুঁজ, মতানৈক্য৷ সোণাপুৰৰ আতিথ্য ৰিজ’ৰ্টত আহ৩ান জনোৱা শনিবাৰৰ বিৰোধীৰ বৈঠকত তাৰ বৰ্হিপ্ৰকাশ ঘটিল৷ আনকি সাংসদ অজিত কুমাৰ ভূঞাৰ ঘৰতো এনে লক্ষ্য আগত লৈ অনুষ্ঠিত কৰা হৈছিল বৈঠক৷ সেই বৈঠকো ব্যৰ্থ হয়৷ বিজেপিক প্ৰতিহত কৰাৰ লক্ষ্য লৈ ইউ ডি এফৰ বাহিৰে আন বিৰোধী দলসমূহক ঐক্যবদ্ধ কৰাৰ বাবে বিশেষ উদ্যোগ লৈছিল বিশিষ্ট বুদ্ধিজীৱী ড॰ হীৰেন গোহাঁই, হৰেকৃষ্ণ ডেকা, অজিত কুমাৰ ভূঞা আদিয়ে৷ ড॰ গোহাঁইৰ বিশেষ উদ্যোগত সোণাপুৰত আহ৩ান জনোৱা বৈঠকত মিত্ৰজোঁটৰ অংশীদাৰী দলসমূহৰ  সমন্বয়হীনতা মিত্ৰজোঁট গঠনৰ প্ৰধান অন্তৰায় হৈ পৰিছে সেয়া স্পষ্ট৷ উল্লেখ্য, ৰাইজৰ দলৰ সভাপতি বিধায়ক অখিল গগৈৰ এটা বক্তব্যৰ পাছতে ক্ষুব্ধ হৈ বৈঠকৰ পৰা ওলাই যায় কংগ্ৰেছ সাংসদ প্ৰদ্যুৎ বৰদলৈ৷প্ৰতিহত কৰাৰ স্বাৰ্থত মিত্ৰজোঁটৰ বৈঠকলৈ আহিছোঁ৷ তাৰ পাছতে কংগ্ৰেছ সাংসদ প্ৰদ্যুৎ বৰদলৈয়ে সভাস্থলী ত্যাগ কৰে আৰু অখিল গগৈক লক্ষ্য কৰি কয়– মোৰ দলক ইমান বেয়াকৈ ক’ব কোনে সহ্য কৰিব?

প্ৰদ্যুৎ বৰদলৈৰ পাছত প্ৰদেশ কংগ্ৰেছৰ সভাপতি ভূপেন বৰায়ো ত্যাগ কৰে সভা৷ উক্ত ঘটনাক লৈ গৰম হৈ আছে ৰাজ্যৰ ৰাজনীতি৷ তাৰ মাজতে প্ৰদেশ কংগ্ৰেছৰ সভাপতি ভূপেন বৰাই ছ’চিয়েল মিডিয়াত পোষ্ট কৰে– কবিগুৰু ৰবীন্দ্ৰ নাথ ঠাকুৰৰ প্ৰখ্যাত গানৰ কলি– ‘যদি তোৰ ডাক কেউ না আসে তবে একলা চলো ৰে৷ একলা চলো, একলা চলো, একলা চলো, একলা চলো ৰে৷৷’ শনিবাৰে সাংসদ প্ৰদ্যুৎ বৰদলৈয়ে আধাতে সভাস্থলী ত্যাগ কৰা সন্দৰ্ভত অখিল গগৈয়ে প্ৰতিক্ৰিয়া প্ৰকাশ কৰি কয়– প্ৰদ্যুৎ দাই ইমান খং কৰিবলগীয়া পৰিৱেশ হোৱা নাছিল, বিৰোধীৰ বৈঠকলৈ কমকৈ আহে বাবে হয়তো তেওঁৰ অভিজ্ঞতা নাছিল৷ তেওঁ আৰু কয়– মিত্ৰতাৰ বাবে ত্যাগ থাকিবই, বুজাবুজিত ত্যাগ থাকেই৷ আমি ত্যাগ কৰিম৷ ত্যাগ কৰিলোঁ বুলিয়েই আমি কাপোৰ-কানি খুলি দিব নোৱাৰোঁ৷ ইফালে ড॰ হীৰেন গোহাঁইৰ নেতৃত্বত বিৰোধী শক্তি এক হোৱাৰ আহ৩ানৰ প্ৰতি সমৰ্থন জনাইছে আম আদমি পাৰ্টীয়ে৷ উল্লেখ্য, দেওবাৰে গণেশগুৰিস্থিত আপ অসমৰ কাৰ্যালয়ত আপৰ সক্ৰিয় জিলাসমূহৰ সভাপতিসকলৰ সৈতে এক গুৰুত্বপূৰ্ণ বৈঠক অনুষ্ঠিত হৈ যায়৷ আপৰ ৰাষ্ট্ৰীয় তত্ত্বাৱধায়ক ৰাজেশ শৰ্মা আৰু ভাৰপ্ৰাপ্ত সভাপতি ডাঃ ভবেন চৌধুৰীৰ লগতে ৰাজ্যিক নেতৃত্ব উপস্থিত থকা বৈঠকত পঞ্চায়ত আৰু স্বায়ত্ত্বশাসিত পৰিষদ নিৰ্বাচনৰ ৰূপৰেখাৰ সন্দৰ্ভত আলোচনা হয়৷ আপ অসমৰ ভাৰপ্ৰাপ্ত সভাপতি তথা ৰাষ্ট্ৰীয় যুটীয়া সম্পাদক ডাঃ ভবেন চৌধুৰীয়ে কয়– বৰ্তমান প্ৰেক্ষাপটত বিজেপিৰ দৰে সাম্প্ৰদায়িক ৰাজনৈতিক দল এটাক কোনো দলেই অকলে প্ৰতিহত কৰিব নোৱাৰে৷ আপ এ যদিও এক সবল যুঁজ আগবঢ়াব পাৰিব কিন্তু বিজেপিক সম্পূৰ্ণৰূপে প্ৰতিহত কৰিবলৈ সকলোৰে সহায় নি(য় প্ৰয়োজন হ’ব৷ ড॰ হীৰেন গোঁহাইৰ নেতৃত্বত বিৰোধী শক্তি এক হোৱাৰ আহ৩ানৰ প্ৰতি সম্পূৰ্ণ সমৰ্থন আছে আম আদমি পাৰ্টীৰ৷ ইফালে উঃ পূঃৰ তত্ত্বাৱধায়ক ৰাজেশ শৰ্মাই জানিবলৈ দিয়া মতে বিজেপিক দিল্লী নিৰ্বাচনৰ প্ৰত্যুত্তৰ আম আদমি পাৰ্টীয়ে অসমত দিব৷ এতিয়া দলৰ সম্পূৰ্ণ মনোযোগ অসমত আৰু আগন্তুক পঞ্চায়ত নিৰ্বাচন তথা ২০২৬ বিধানসভা নিৰ্বাচনৰ বাবে আম আদমি পাৰ্টী সাজু হৈছে৷ সংবাদমেলত ৰাজ্যিক উপসভাপতি অনুৰূপা ডেকাৰজা, সাংগঠনিক সম্পাদক ৰাজীৱ শইকীয়া, ৰাজ্যিক নেতৃ বৰ্গ আৰু জিলা সভাপতিসকল উপস্থিত থাকে৷