ঝুমুৰত ভাগ লোৱা ৭,৯৯৬ জন শিল্পীৰ ৬,০৭২জনেই ১৯ ঊধবৰ্ৰ

‘আমাৰ অসম’ৰ ষ্টাফ ৰিপ’ৰ্টাৰ, ৫ মাৰ্চঃ  ঝুমুইৰ বিনন্দিনী অনুষ্ঠানত ভাগ লোৱাৰ বাবে ৬ সহস্ৰাধিকে মেট্ৰিক পৰীক্ষা নিদিলে বুলি বিধায়ক অখিল গগৈয়ে অনা অভিযোগক পোনচাটেই নস্যাৎ কৰিলে ৰাজ্যৰ সাংস্কৃতিক মন্ত্ৰী বিমল বৰাই৷ আজি বিধানসভাৰ বাহিৰত এই প্ৰসংগত অখিল গগৈক উভটি ধৰি মন্ত্ৰী বৰাই কয়– অখিল গগৈয়ে অসমৰ জনগণক স্বভাৱসিদ্ধ   মিছা কথাৰে প্ৰভাৱিত কৰিব বিচাৰে৷ ঝুমুইৰ বিনন্দিনী অনুষ্ঠানত অংশ লোৱা মুঠ শিল্পীৰ সংখ্যা আছিল ৭,৯৯৬গৰাকী৷ তাত পুৰুষ মহিলা উভয়ে আছিল৷ বয়স হিচাপে যদি চাওঁ তেন্তে ৬০৭২গৰাকী শিল্পী আছিল ১৯ ঊধবৰ্ৰ৷ তেওঁলোকৰ বয়স ১৯-৩৫ বছৰ বয়সৰ৷

অৰ্থাৎ এওঁলোক বেছিভাগেই মেট্ৰিক পৰীক্ষাত অৱতীৰ্ণ হোৱা বয়সৰ ঊধবৰ্ৰ৷ অনুষ্ঠানত ভাগ লোৱাৰ  ২৬৩গৰাকী আছিল ১৫ বছৰীয়া শিল্পী৷ ৩৯৫গৰাকী আছিল ১৬ বছৰীয়া শিল্পী৷ ৪০৯গৰাকী আছিল ১৭ বছৰীয়া শিল্পী৷ ৪৯০গৰাকী আছিল ১৮ বছৰীয়া শিল্পী৷ ৩৬৭গৰাকী আছিল মাষ্টাৰ ট্ৰেইনাৰ৷ গতিকে অখিল গগৈয়ে যিকোনো কথা তথ্যৰ ওপৰত ভিত্তি কৰি ক’ব লাগে৷ অখিল গগৈয়ে বিভ্ৰান্ত কৰিবলৈ এইসমূহ কথা কয়– ইফালে, ভাওনা বিতৰ্ক সন্দৰ্ভত মন্ত্ৰী বৰাই কয়৷ ‘অসমৰ সমাজ জীৱনত শংকৰদেৱ গুৰুজনাই এক শক্তিশালী সৌধ নিৰ্মাণ কৰি গৈছে৷ সেয়া যুগমীয়া কৰিবলৈ চৰকাৰে বিভিন্ন কাৰ্যপন্থা হাতত লৈ আহিছে৷ অশোক সিংঘালে তেনে মন্তব্য নাই কৰা বুলি কৈছে৷ ভুল বুজাবুজি হৈছে নিশ্চয়৷ দুয়োপক্ষই বুজাবুজি কৰি ল’ব৷’