![image](https://aamarasom.com/uploads/posts/খান্দি থকা হৈছে লুইতৰ বুকু নৱবৰ্ষত ঘোষণা সোণোৱালৰ.jpg1641827721.jpg)
খান্দি থকা হৈছে লুইতৰ বুকু নৱবৰ্ষত ঘোষণা সোণোৱালৰ
আমাৰ অসম, ১০ জানুৱাৰীঃ ব্ৰহ্মপুত্ৰ আৰু গংগাৰ গভীৰতা বৃদ্ধিৰ বাবে ড্ৰেজিঙৰ কাম পূৰ্ণগতিত চলি আছে৷ এইখননৰ ফলত ওচৰ চাপি আহিব সাগৰ-নদী, সহজ হ’ব ৰপ্তানি-আমদানি বাণিজ্য৷’ এই ঘোষণা বন্দৰ, জাহাজ আৰু আয়ুস বিভাগৰ কেন্দ্ৰীয় মন্ত্ৰী সৰ্বানন্দ সোণোৱালৰ৷ নৱবৰ্ষ উপলক্ষে দেওবাৰে গুৱাহাটী ব্ৰহ্মপুত্ৰ ৰাজ্যিক অতিথিশালাত এক সংবাদমেল সম্বোধন কৰি কেন্দ্ৰীয় মন্ত্ৰীগৰাকীয়ে কয়– ‘মালবাহী জাহাজসমূহে ২০২২৬নৰ শেষভাগলৈ ব্ৰহ্মপুত্ৰৰে যাত্ৰা আৰম্ভ কৰিব৷ বাংলাদেশ চৰকাৰেও ভাৰত চৰকাৰৰ সহযোগত শদিয়াৰ পৰা বাংলাদেশ হৈ হালদিয়ালৈ ২০০০ কিলোমিটাৰ দীঘল জলপথছোৱা এক মসৃণ জলপথ হিচাপে গঢ়ি তুলিবলৈ কাম কৰি আছে৷’ প্ৰধান মন্ত্ৰী গতি শক্তি’ৰ দৃষ্টিভংগীৰ কথা প্ৰকাশ কৰি কেন্দ্ৰীয় মন্ত্ৰীগৰাকীয়ে লগতে কয় যে, ‘ভাৰতৰ অৰ্থনৈতিক সমৃদ্ধি পুনৰুজ্জীৱিত কৰাৰ ক্ষেত্ৰত উত্তৰ-পূৰ্বে এক গুৰুত্বপূৰ্ণ ভূমিকা পালন কৰিব৷ ভাৰতৰ অৰ্থনৈতিক প্ৰত্যাৱৰ্তনত অঞ্চলটোৰ গুৰুত্বপূৰ্ণ অৱদানৰ সম্ভাৱনাক অনুধাৱন কৰি অঞ্চলটোৰ জলপথ নিৰ্মাণ আৰু ইয়াক বংগোপসাগৰৰ মুখ্য বন্দৰৰ সৈতে সংযোগ কৰাৰ প্ৰচেষ্টা চলি আছে৷ ই কেৱল অঞ্চলটোৰ অৰ্থনৈতিক সম্ভাৱনাক গতিশীলতা প্ৰদান কৰাই নহয়, কিন্তু স্থলবেষ্টিত অঞ্চলটোক আন্তৰ্জাতিক বাণিজ্য পথসমূহৰ সৈতে পোনপটীয়া সম্পৰ্ক স্থাপন কৰিব৷ মন্ত্ৰীগৰাকীয়ে কয় যে চৰকাৰে মিজোৰাম, ত্ৰিপুৰা আৰু অসমক ম্যানমাৰ [চিটৱে বন্দৰ] আৰু বাংলাদেশ [মঙ্গোলা আৰু চিট্টাগৎ বন্দৰ]ৰ কৌশলগত বন্দৰৰ সৈতে সংযোগ কৰিবলৈ অক্লান্ত চেষ্টা কৰি আছে৷ ড্ৰেডিঙক এক বহনক্ষম আৰু অৰ্থনৈতিকভাৱে লাভজনক মাধ্যম হিচাপে গঢ়ি তুলিবলৈ উত্তৰ-পূবৰ পৰা বিশেষজ্ঞসকলক একত্ৰিত কৰাৰ বাবে মন্ত্ৰীগৰাকীয়ে লগতে ইংগিত প্ৰদান কৰি কয় ‘যে, তেজপুৰ বিশ্ববিদ্যালয়, আই আইটি গুৱাহাটী আৰু আই আই টি এম শ্বিলঙৰ বিশেষজ্ঞসকলৰ সহযোগিতা এইক্ষেত্ৰত অতিশয় গুৰুত্বপূৰ্ণ হ’ব৷ ব্ৰহ্মপুত্ৰৰ লগতে উত্তৰ পুবৰ অন্যান্য নদীসমূহত যথেষ্ট সম্ভাৱনা নিহিত হৈ আছে আৰু নদী পৰ্যটন, কাৰ্গো, পৰিবহণ আৰু এক বৈকল্পিক অৰ্থনৈতিক পৰিবহণৰ বিকাশৰ ফলত উত্তৰ-পূবৰ জনগণ প্ৰত্যক্ষভাৱে লাভান্বিত হ’ব৷ চৰকাৰৰ জলমাৰ্গ বিকাশ প্ৰকল্পই নদীসমূহক এক কাৰ্যকৰী আৰু বহনক্ষম অৰ্থনৈতিক উন্নয়নৰ মাধ্যম হিচাপে পুনৰুজ্জীৱিত কৰি অঞ্চলটোৰ এক অনুকূল আৰু সামগ্ৰিক বিকাশ নিশ্চিত কৰাৰ বাবে কাম কৰি আছে৷ সাগৰ আৰু নদী পথক সংযোগ কৰি এক নতুন সম্ভাৱনাৰ দুৱাৰ মুকলি কৰাৰ চেষ্টা কৰিছে ভাৰত চৰকাৰৰ বন্দৰ আৰু জাহাজ মন্ত্ৰণালয়ে৷ অসম তথা উত্তৰ-পূবক অৰ্থনৈতিকভাৱে আগবঢ়াই নিয়াৰ ক্ষেত্ৰত জল পথক অধিক সম্ভাৱনাময় কৰি তোলাৰ প্ৰয়াস কৰা হৈছে৷ অসমৰ কৃষিজাত সামগ্ৰীয়ে লাহে লাহে দখল কৰিবলৈ লৈছে ৰাষ্ট্ৰীয় তথা আন্তঃৰাষ্ট্ৰীয় বজাৰ৷ বিশেষকৈ অসমৰ চাহৰ আছে আন্তঃৰাষ্ট্ৰীয় খ্যাতি৷ অসমৰ অন্যান্য কৃষি উৎপাদিত সামগ্ৰীৰ ১৫ানি হোৱাৰ বিপৰীতে অসমে আন ৰাজ্যৰ লগতে আন্তঃৰাষ্ট্ৰীয় বজাৰৰ পৰা ভিন্ন সামগ্ৰীৰো দীৰ্ঘদিন ধৰি কৰি আহিছে আমদানি৷ পূৰ্বে সামগ্ৰী ১৫ানি বা আমদানিৰ বাবে অসম তথা উত্তৰপূৰ্বাঞ্চলে ৰে’ল পথ আৰু বায়ু পথ ব্যৱহাৰ কৰিছিল, য’ত ব্যয় হৈছিল অধিক সময়, অধিক ধনৰ৷ পাণ্ডুত হ’ব জাহাজ মেৰামতিৰ কাম৷ পাণ্ডুত এই কাম হ’লে জাহাজ আৰু বন্দৰ ব্যৱসায়ৰ সৈতে জড়িত লোকসকল লাভাম্বিত হ’ব৷ কাৰণ, এখন জাহাজ বেয়া হ’লে মেৰামতিৰ বাবে নিব লাগিলে নিবলগীয়া হৈছিল কলকাতালৈ৷ ছমাহতকৈ অধিক সময় লাগিছিল মেৰামতি হৈ জাহাজখন ঘূৰি অহাত৷ মানুহবোৰৰ মন ভাগি পৰিছিল৷ হতাশ হৈ পৰিছিল৷ এতিয়া সেই হতাশা দূৰ হ’ব৷ শক্তিশালী কৰাৰ ব্যৱস্থা হৈছে অসমৰ লগতে ১১১টা ৰাষ্ট্ৰীয় জলপথৰ৷ সকলোকে ইংৰাজী নৱবৰ্ষ আৰু ভোগালী বিহুৰ শুভেচ্ছা জ্ঞাপন কৰি সোণোৱালে কয় যে ক’ভিডৰ ক্ষেত্ৰত স্বাস্থ্য, পৰিয়াল কল্যাণ আৰু আয়ুস মন্ত্ৰালয়ৰ তৰফৰ পৰা এইবাৰো আগৰ দৰেই সকলো ব্যৱস্থা গ্ৰহণ কৰা হৈছে৷ তেওঁ সকলোকে দৈনিক যোগাসন কৰিবলৈ আৰু আয়ুস আহাৰ গ্ৰহণ কৰিবলৈ আহ্বান৷ সকলোকে আয়ুৰ ৰক্ষা কিট ব্যৱহাৰ কৰিবলৈ আহ্বান জনায় তেওঁ কয়– একহাজাৰ হেলথ এণ্ড ৱেলনেছ চেণ্টাৰ উত্তৰ পূৰ্বাঞ্চলৰ প্ৰতিখন ৰাজ্যত স্থাপন কৰাৰ ব্যৱস্থা গ্ৰহণ কৰা হৈছে৷ ইতিমধ্যে মুখ্যমন্ত্ৰী হিমন্ত বিশ্ব শৰ্মাৰ সৈতেও কেইবাটাও নতুন পৰিকল্পনা সন্দৰ্ভত আলোচনা হৈছে৷ সাংবাদিকৰ সৈতে হোৱা বাৰ্তালাপত সোণোৱালে কয় ‘ প্ৰধান মন্ত্ৰী নৰেন্দ্ৰ মোদী বিশ্বৰ আটাইতকৈ জনপ্ৰিয় নেতা৷ তেওঁ ৭ বছৰত ব্যাপক পৰিৱৰ্তন দিলে৷ সেয়েহে আগন্তুক নিৰ্বাচনত বিজেপিয়েই শেষ হাঁহি মাৰিব৷ মোদীৰ পাঞ্জাৱ ভ্ৰমণ যাত্ৰা সন্দৰ্ভত ঘটা ঘটনা সন্দৰ্ভত প্ৰতিক্ৰিয়া প্ৰকাশ কৰি তেওঁ কয়–কংগ্ৰেছৰ নিকৃষ্ট ৰাজনীতিক ভাৰতৰ সকলো মানুহে একেমুখে গৰিহণা দিছে৷ কংগ্ৰেছ এতিয়া আউটডেটড, কংগ্ৰেছে যিমানেই ষড়যন্ত্ৰ নকৰক কিয় মোদী কেৱল ভাৰতৰেই নহয় সমগ্ৰ পৃথিৱীৰে ই প্ৰিয় নেতা৷