তৃণমূল কংগ্ৰেছৰ কৰ্মীসকলে প্ৰায় ২৫খন বাছেৰে ৩ অক্টোবৰত দিল্লীত হ'বলগীয়া প্ৰতিবাদৰ বাবে শনিবাৰে কলকাতাৰ পৰা ৰাওনা হয়। তেওঁলোকে কয় যে এই প্ৰতিবাদৰ বাবে ৪ হাজাৰৰো অধিক লোক ইতিমধ্যে দিল্লীত উপস্থিত হৈছে। এই যাত্ৰাৰ পূৰ্বে তৃণমূল কংগ্ৰেছৰ সাধাৰণ সম্পাদক অভিষেক বেনাৰ্জীয়ে শনিবাৰে অভিযোগ কৰে যে কেন্দ্ৰীয় চৰকাৰে বিভিন্ন ৰে’ল বাতিল কৰি আৰু ইডিৰ লগতে অন্য কেন্দ্ৰীয় সংস্থাসমূহৰ জৰিয়তে এই আন্দোলনত বাধা প্ৰদান কৰিবলৈ চেষ্টা কৰিছে।