ডিজিটেল ডেস্কঃ ৰাজস্থান বিধানসভা নিৰ্বাচনৰ পূৰ্বে বিপদৰ সন্মুখীন হৈছে ৰাজস্থানৰ মুখ্যমন্ত্ৰী অশোক গেহলট৷ ইডিৰ জেৰাৰ সন্মুখীন হৈছে মুখ্যমন্ত্ৰী গেহলটৰ পুত্ৰ বৈভৱ গেহলট৷ ৰাজস্থান ক্ৰিকেট এছ'চিয়েচনৰ অধ্যক্ষ বৈভৱ গেহলটে বৈদেশিক মুদ্ৰা নিয়ামক আইন উলংঘনৰ বাবে প্ৰৱৰ্তন সঞ্চালকালয়ৰ (ইডি) তদন্তৰ সন্মুখীন হৈছে।

সোমবাৰে পুৱা দিল্লীৰ প্ৰৱৰ্তন সঞ্চালকালয়ৰ (ইডি) কাৰ্যালয়ত উপস্থিত হয় বৈভৱ গেহলট৷ ৯ ঘণ্টা ধৰি জোৰা চলোৱা অন্তত ১৬ নৱেম্বৰত পুনৰ তেওঁক ইডিৰ কাৰ্যালয়ত উপস্থিত হোৱাৰ নিৰ্দেশ দিয়া হৈছে৷ জানিব পৰা মতে, ইডিৰ জেৰাত বৈদেশিক মুদ্ৰা নিয়ামক আইন উলংঘন কৰাৰ অভিযোগ প্ৰত্যাখান কৰিছে বৈ|ৱ গেহলটে৷

যোৱা ২৫ অক্টোবৰত সোধা-পোছাৰ বাবে বৈভৱ গেহলটক চমন জাৰি কৰিছিল ইডিয়ে। বৈভৱে ইডিৰ কাৰ্যালয়ত উপস্থিত হোৱাৰ বাবে ৩০ অক্টোবৰলৈকে সময় বিচাৰিছিল। ইয়াৰ পিছত তেওঁৰ কোম্পানীৰ সৈতে সম্পৰ্কিত নথিপত্ৰ লৈ ইডিৰ কাৰ্যালয়ত হাজিৰ হৈছিল।