ডিজিটেল ডেস্কঃ দিল্লী আবকাৰী নীতি কেলেংকাৰী গোচৰত দিল্লীৰ মুখ্যমন্ত্ৰী অৰবিন্দ কেজৰিৱাললৈ ইডিয়ে চমন জাৰি কৰাৰ পিছতে বিজেপি চৰকাৰক তীব্ৰ সমালোচনা কৰিছে পশ্চিমবংগৰ মুখ্যমন্ত্ৰী মমতা বেনাৰ্জীয়ে৷ মমতা বেনাৰ্জীয়ে স্পষ্টকৈ কয় যে নিৰ্বাচনৰ পূৰ্বে প্ৰতিজন বিৰোধী নেতাক গ্ৰেপ্তাৰৰ ষড়যন্ত্ৰ ৰচিছে মোদী চৰকাৰে৷ 

মমতা বেনাৰ্জীয়ে কয়, "অৰবিন্দ কেজৰিৱাললৈ জাননী প্ৰেৰণ কৰা হৈছে। সকলোকে জাননী প্ৰেৰণ কৰা হৈছে। ৫-৬জন সাংসদে কৈছে যে তেওঁলোকৰ ফোন হেক কৰা হৈছে। এনে পৰিস্থিতিত বিদেশত ভাৰতৰ ছবি কি হ'ব। আমি কোনো কাৰণতে দেশক সৰু হ'বলৈ দিব নোৱাৰোঁ৷"

লগতে মমতা বেনাৰ্জীয়ে কয় যে ২০২৪ৰ লোকসভা নিৰ্বাচনৰ পূৰ্বে বিজেপিয়ে প্ৰতিজন বিৰোধী নেতাক গ্ৰেপ্তাৰ কৰাৰ ষড়যন্ত্ৰ ৰচিছে৷ বিজেপিয়ে কেৱল নিৰ্বাচনত জনতাই তেওঁলোকৰ পক্ষত ভোট দিয়াটো বিচাৰে৷ বিজেপিৰ ষড়যন্ত্ৰৰ কথা উল্লেখ কৰি পশ্চিমবংগৰ মুখ্যমন্ত্ৰীগৰাকীয়ে হুংকাৰ দিয়ে যে ১৬ নৱেম্বৰৰ ভিতৰত এমজি এনৰেগাৰ বকেয়া পৰিশোধ নকৰিলে তৃণমূল কংগ্ৰেছে চৰকাৰৰ বিৰুদ্ধে পৰৱৰ্তী কাৰ্যপন্থা ঘোষণা কৰিব৷