লখিমপুৰ বিজেপি কাৰ্যালয়ত সংবাদ মাধ্যমৰে হোৱা এক সাক্ষাৎকাৰত ভৱেশ কলিতাই প্ৰদেশ কংগ্ৰেছৰ সভাপতি ভূপেন বৰাক তীব্ৰ সমালোচনা কৰে৷ তেওঁ কয় যে ভূপেন বৰাই বিজেপিলৈ আহিবলৈ ঠেং দাঙিয়েই আছে। 

উল্লেখ্য যে ৬ এপ্ৰিলত লখিমপুৰত নিৰ্বাচনী প্ৰচাৰ চলাবলৈ আহিব লগা গৃহমন্ত্ৰী অমৃত শ্বাহৰ কাৰ্যসূচী সন্দৰ্ভত লখিমপুৰত দলীয় নেতা-কৰ্মীৰ সৈতে এক আলোচনাত মিলিত হয় ৰাজ্যিক বিজেপিৰ সভাপতিজন। বিজেপিৰ জিলা কাৰ্যালয়ত মন্ত্ৰী ৰণোজ পেগু, বিধায়ক মানৱ ডেকা, নব দলে আৰু ভুবন পেগুৰ সৈতে আলোচনাত মিলিত হয় ৰাজ্যিক সভাপতি কলিতা ৷