বৃক্কৰ সমস্যা হ’লে এইবোৰ লক্ষণে দেখা দিয়ে

  শৰীৰৰ এটি গুৰুত্বপূৰ্ণ অংগ হৈছে বৃক্ক  বা কিডনী৷ বৃক্ক  অসুস্থ হ’লে এটাৰ পাছত এটা শাৰীৰিক সমস্যাই দেখা দিবলৈ আৰম্ভ কৰে৷ বৃক্ক ৰোগৰ চিকিৎসা ব্যয়ো আন ৰোগতকৈ বহু বেছি৷ বৃক্কৰ চিকিৎসা কৰিবলৈ গৈ একোটা পৰিয়াল আৰ্থিকভাৱে নিঃশেষ হৈ যোৱাৰ উদাহৰণো আছে৷ সেয়ে বৃক্কৰ সমস্যা হ’লে লগে লগে সতৰ্ক হোৱা উচিত৷ বৃক্ক ৰোগক ছাইলেণ্ড কিলাৰ বুলিও কোৱা হয়৷ বৃক্ক অসুস্থ হ’লে কিছুমান লক্ষণে দেখা দিয়ে৷ উল্লেখ কৰা হ’ল তেনে কেতবোৰ লক্ষণ–

# মুখ আৰু চকুৰ কোনো অংশ যদি হঠাৎ অস্বাভাৱিকভাৱে ফুলি উঠে তেন্তে সতৰ্ক হওক৷

# সঘনাই প্ৰস্ৰাৱ লাগিলে সাৱধান হোৱা উচিত৷ কিয়নো বৃক্কই সঠিকভাৱে কাম নকৰিলে এনে সমস্যা হয়৷ 

# হাত-ভৰি বা পিঠিৰ পেশী সঘনাই টানি ধৰিলে সতৰ্ক হওক৷ এইটো বৃক্কৰোগৰ লক্ষণ হ’ব পাৰে৷

# ছাল অস্বাভাৱিকভাৱে শুষ্ক হ’লে চিকিৎসকৰ কাষ চাপক৷ বৃ!ই শৰীৰৰ ক্ষতিকাৰক পদাৰ্থসমূহ চেকি বাহিৰলৈ উলিয়াই দিয়ে৷ বৃক্কৰ সমস্যা হ’লে বা বৃক্ক বিকল হ’লে এনে ক্ষতিকাৰক পদাৰ্থসমূহ জমা হৈ ছাল শুকান আৰু  ৰুক্ষ কৰি তোলে৷ 

# গোৰোহা বা ভৰিৰ পতা হঠাৎ অস্বাভাৱিকভাৱে ফুলি উঠিলে সাৱধান হওক৷ এনে লক্ষণে বৃক্ক ৰোগৰ ইংগিত দিয়ে৷ 

# প্ৰস্ৰাৱৰ সময়ত জ্বলা-পোৰা কৰাটোও বৃক্ক ৰোগৰ লক্ষণ৷ 

# পিঠি বা কঁকালৰ ওপৰ অংশত যদি সঘনাই বিষ অনুভৱ কৰে তেন্তে  সাৱধান হওক৷ কিডনী ষ্টোন হ’লে এই লক্ষণে দেখা দিয়ে৷ 

#বৃক্কৰ সমস্যা হ’লে টোপনি কম হয়৷ বৃক্কই ঠিকমতে কাম কৰিব নোৱাৰিলে ভালদৰে তেজৰ পৰিশোধন নহয়৷ এনেকুৱা হ’লে টোপনি নহয়৷

# ৰক্তচাপৰ সঘনাই তাৰতম্য, অলপ কষ্ট কৰিলেই ভাগৰ লগা, শ্বাস-প্ৰশ্বাসত কষ্ট হ’লে চিকিৎসকৰ পৰামৰ্শ লওক৷

# প্ৰস্ৰাৱৰ সৈতে তেজ ওলালে সতৰ্ক হওক৷ বৃক্ক শৰীৰৰ এটি গুৰুত্বপূৰ্ণ অংগ হৈছে বৃক্ক  বা কিডনী৷ বৃক্ক  অসুস্থ হ’লে এটাৰ পাছত এটা শাৰীৰিক সমস্যাই দেখা দিবলৈ আৰম্ভ কৰে৷ ই ঠিকমতে কাম নকৰিলে প্ৰস্ৰাৱৰ সৈতে তেজ ওলায়৷