সুখী ৰাষ্ট্ৰৰ শীৰ্ষত ফিনলেণ্ড, ১৩৯ স্থানত ভাৰত

তালিকাৰ শেষত আফগানিস্তান, ১০১নং ক্ৰমত বাংলাদেশ, ১০৫সংখ্যক স্থানত পাকিস্তান

আমাৰ অসম, ২১ মাৰ্চঃ বিশ্বৰ সুখী ৰাষ্ট্ৰৰ তালিকাত শীৰ্ষত স্থান লাভ কৰিছে ফিনলেণ্ডে৷ ইয়াৰ বিপৰীতে ভাৰতৰ স্থান ১৩৯ নম্বৰত৷ উল্লেখ্য যে ২০১২ চনৰ পৰা ‘ৱল্ডৰ্ হেপীনেছ ৰিপ’ৰ্ট’ আৰম্ভ কৰা হয়৷ এই সমীক্ষাত ১৫৬ খন দেশৰ ৬টা বিষয়ক লৈ তুলনামূলক অধ্যয়ন চলোৱা হয়৷ এই বিষয়সমূহ হৈছে– জি ডি পি, সামাজিক সহযোগিতা, সিদ্ধান্ত লোৱাৰ স্বাধীনতা, উদাৰতা আৰু অপৰাধ৷ এইবাৰ ১৪৯ খন দেশক লৈ নৱমবাৰৰ বাবে ‘ৱল্ডৰ্ হেপীনেছ ৰিপ’ৰ্ট’ৰ সমীক্ষা চলোৱা হয়৷ এই সমীক্ষাত ফিনলেণ্ডে বিশ্বৰ আটাইতকৈ সুখী ৰাষ্ট্ৰৰ তালিকাৰ শীৰ্ষস্থান দখল কৰে৷ য’ত ভাৰতৰ স্থান শেষৰ পিনে অৰ্থাৎ ১৩৯ নম্বৰত৷ আচৰিত যে তালিকাখনত ভাৰততকৈ আগত উল্লেখ হৈছে পাকিস্তানৰ নাম৷ পাকিস্তানে ১০৫ নং ক্ৰমত স্থান পোৱাৰ বিপৰীতে বাংলাদেশে আকৌ ১০১ নং ক্ৰমত স্থান লাভ কৰিছে৷ অৰ্থাৎ ভাৰততকৈ বাংলাদেশ আৰু পাকিস্তান সুখী ৰাষ্ট্ৰ৷ তালিকাখনৰ একেবাৰে শেষত উল্লেখ হৈছে যুদ্ধ বিধবস্ত আফগানিস্তানৰ নাম৷