টেবুল ছল্ট বা বগা নিমখঃ টেবুল নিমখ হ’ল সহজলভ্য আৰু আটাইতকৈ বৈছি ব্যৱহৃত৷ অনেক প্ৰক্ৰিয়াৰ মাজেৰে ইয়াক প্ৰস্তুত কৰা হয়৷ আজিকালি বজাৰত যিবিলাক টেবুল নিমখ পোৱা যায় তাৰ অধিকাংশই আয়ডিনযুক্ত নিমখ৷ যি থাইৰডৰ দৰে সমস্যা থাকিলে নিৰাময় কৰাত সহায় কৰে৷ আয়ডিন শিশুৰ কাৰণে উপযোগী আৰু মস্তিষ্কৰ বৃদ্ধিৰ কাৰণেও উপকাৰী বুলি জনা যায়৷ অৱশ্যে এই নিমখ অত্যাধিক ব্যৱহাৰ স্বাস্থ্যৰ কাৰণে ক্ষতিকাৰক হ’ব পাৰে৷

ক’লা নিমখঃ ই এবিধ হিমালয়ৰ নিমখ৷ যাক সাধাৰণ ভাষাত ক’লা নিমখ বুলি কোৱা হয়৷ এই ধৰণৰ নিমখ তৈয়াৰ কৰোতে অনেক ধৰণৰ মছলা, বীজ আৰু গছৰ ছাল ব্যৱহাৰ কৰা হয়৷ ক’লা নিমখ তৈয়াৰ কৰোতে জুই ব্যৱহাৰ কৰা হয়৷ যাৰ বাবে  ই ক’লা ৰং পায়৷ ক’লা নিমখ পেটফুলা, কোষ্ঠকাঠিন্য, এচিডিটিৰ দৰে সমস্যাসমূহত ঔষধ হিচাপে ব্যৱহাৰ হয়৷

গুলপীয়া নিমখঃ গুলপীয়া নিমখ হিমালয়ৰ কোনো কোনো অংশত খনন কৰিলে পোৱা যায়৷ এইবিধ নিমখ আটাইতকৈ বিশুদ্ধ আৰু শ্ৰেষ্ঠ হিচাপে বিবেচিত৷ ই আমাৰ শৰীৰৰ কাৰণে খুব উপকাৰী৷ এইবিধ গুলপীয়া নিমখত ৮৪টা প্ৰয়োজনীয়  খনিজ পদাৰ্থ পোৱা যায়৷ এইবিধ নিমখক খাদ্য তালিকাত অন্তভুৰ্ক্ত কৰিলে বহু শাৰীৰিক সমস্যা সুৰক্ষিত হৈ থাকে৷ গুলপীয়া নিমখে তেজৰ শৰ্কৰাৰ মাত্ৰা নিয়ন্ত্ৰণ ৰাখে৷ এইবিধ নিমখ ব্যৱহাৰ কৰি ৰন্ধাবঢ়া কৰিলে বেছি সুফল পাব৷