- কেঁচা অমিতাত বিভিন্ন ধৰণৰ প্ৰাকৃতিক এনজাইম থাকে৷ ইয়াৰ ভিতৰত দুটা উল্লেখযোগ্য এনজাইম হৈছে ছাইম’পেপিন আৰু পেপিন৷ এই দুবিধ এনজাইমে প্ৰ’টিন চৰ্বি আৰু কাৰ্বহাইড্ৰেট ভঙোৱাত সহায় কৰে৷ তদুপৰি ফেটি লিভাৰৰ সমস্যাত কেঁচা অমিতা উপকাৰী৷

- কেঁচা অমিতাত প্ৰচুৰ পৰিমাণে ভিটামিন চি, ই, অ’ আৰু ভিটামিন এ থাকে৷ ইয়াত থকা এণ্টি অক্সিডেণ্টে অতিৰিক্ত কেলৰি আৰু চৰ্বিৰ পৰিমাণ কমায়৷

- কেঁচা অমিতাত থকা আঁহ বা ফাইবাৰে কোষ্ঠকাঠিন্য, এচিডিটি আৰু পাইলছ তথা ডায়েৰিয়াৰ সমস্যা দূৰ কৰাত সহায় কৰে৷ মানুহৰ শৰীৰটো ভিতৰৰ পৰা পৰিষ্কাৰ কৰাৰ ক্ষেত্ৰত অমিতা খুবেই কাৰ্যকৰী৷

- ওজন নিয়ন্ত্ৰণৰ ক্ষেত্ৰত কেঁচা অমিতা অতি গুৰুত্বপূৰ্ণ৷ ইয়াত প্ৰচুৰ পৰিমাণে আঁহ বা ফাইবাৰ থাকে৷ কেঁচা অমিতাই মেদ কমোৱাৰ ক্ষেত্ৰত সহায় কৰে৷

- পেটৰ সমস্যাত ভোগাসকলে কেঁচা অমিতা চালাড হিচাপে খাব পাৰে৷

- কেঁচা অমিতাই তেজ সৰবৰাহ স্বাভাৱিক কৰি ৰখাত সহায় কৰে৷ তদুপৰি ই দেহত জমা হোৱা ছডিয়াম আঁতৰ কৰে৷ ছডিয়ামে হৃদৰোগৰ আশংকা বঢ়ায়৷ নিয়মীয়াকৈ কেঁচা অমিতা খালে উচ্ছ ৰক্তচাপৰ সমস্যাৰ পৰা মুক্তি পোৱা যায়৷

- নিয়মীয়াকৈ কেঁচা অমিতা খালে ছালৰ সমস্যা দূৰ হয়৷ বিশেষকৈ শালমন বা ছালত দেখা দিয়া দাগ আঁতৰ কৰাত সহায় কৰে কেঁচা অমিতাই৷ ছালৰ মৃতকোষ সমস্যা দূৰ কৰিব পাৰে কেঁচা অমিতাই৷

- যিসকলৰ ডায়েবেটিছৰ সমস্যা আছে তেওঁলোকে কেঁচা অমিতা খোৱাৰ অভ্যাস কৰিলে উপকাৰ পাব৷ কেঁচা অমিতাৰ জুচ বনায়ো খাব পৰা যায়৷ কেঁচা অমিতা বা ইয়াৰ জুচে তেজত শৰ্কৰা মাত্ৰা কমোৱাৰ লগতে ইনছুলিনৰ পৰিমাণ বঢ়ায়৷

- দৈনিক দুপৰীয়া আৰু নিশাৰ আহাৰৰ সৈতে এটুকুৰা কেঁচা অমিতা চোবাই খাওক৷ ইয়াৰ পাছত এগিলাচ পানী খালে পেট পৰিষ্কাৰ হয়৷ এই উপায়েৰে গেষ্ট্ৰিক আৰু বদহজমৰ সমস্যাৰ পৰা সকাহ পাব পৰা যায়৷