![image](https://aamarasom.com/uploads/posts/ককটেইল ভেকচিন লৈ সুস্থ হ’ল ৮৪ বছৰীয়া ৰোগী.jpg1622214681.jpg)
কক্টেইল ভেক্চিন লৈ সুস্থ হ’ল ৮৪ বছৰীয়া ৰোগী
আমাৰ অসম, ২৮ মেঃ ভাৰতত প্ৰথমবাৰৰ বাবে ‘এণ্টিব’ডী ক’কটেল’ প্ৰয়োগেৰে সুস্থ হৈ উঠিল এজন ৮৪ বছৰীয়া ক’ভিড ৰোগী৷ এই খবৰে কৰ’নাই সৃষ্টি কৰা জটিল সময়ত অলপ হ’লেও আশাৰ ৰেঙণি কঢ়িয়াই আনিছে৷ মাত্ৰ ৬০ ঘণ্টাৰ ভিতৰতে ‘এণ্টিব’ডী ক’কটেল’ৰ জৰিয়তে ক’ভিডৰ পৰা মুক্তি লাভ কৰা ৮৪ বছৰীয়া বৃদ্ধ কৰ’না ৰোগীজনৰ নাম মহব্বত সিং৷ ঘৰ তেওঁৰ হাৰিয়ানাত৷ প্ৰথম অৱস্থাত তেওঁ গুৰগাঁৱৰ এখন চিকিৎসালয়ত চিকিৎসাধীন হৈ আছিল৷ কিন্তু পৰৱৰ্তী সময়ত তেওঁক মেদান্তা হাস্পতাললৈ স্থানান্তৰ কৰা হয়৷ তাতে তেওঁৰ দেহত প্ৰয়োগ কৰা হয় ‘মনোক্ল’নেল এণ্টিব’ডী থেৰাপী’৷ ইয়াৰ ৬০ ঘণ্টাৰ ভিতৰতে সুস্থ হৈ উঠা বৃদ্ধজনক বুধবাৰে ঘৰলৈ পঠাই দিয়ে হাস্পতালখনে৷ উল্লেখ্য যে ক’ভিড চিকিৎসাৰ ক্ষেত্ৰত হাৰিয়ানাৰ মহব্বত সিং নামৰ বৃদ্ধজনেই হৈছে দেশৰ প্ৰথমজন ‘মনোক্ল’নেল এণ্টিব’ডী থেৰাপী’ লোৱা কৰ’না ৰোগী৷ যোৱা মঙলবাৰে মেদান্তা হাস্পতালত casirivimab আৰু imdevimabৰক’কটেল প্ৰয়োগ কৰা হয় তেওঁৰ দেহত৷ ইয়াৰ পৰৱৰ্তী সময়ত তেওঁক পৰ্যবেক্ষণত ৰক্ষা হয়৷ হাস্পতাল কতৃৰ্পক্ষৰ মতে এণ্টিব’ডী ক’কটেল প্ৰয়োগৰ ৬০ ঘণ্টাৰ ভিতৰতে সুস্থ হৈ উঠে ক’ভিডত আক্ৰান্ত ৮৪ বছৰীয়া বৃদ্ধজন৷ মেদান্তা হাস্পতালৰ চিকিৎসকসকলে প্ৰকাশ কৰা মতে মৃদু উপসৰ্গ থকা কৰ’না ৰোগীৰ দেহত এণ্টিব’ডী ক’কটেল প্ৰয়োগ কৰিলে চিকিৎসালয়ত ভৰ্তি হোৱাৰ ৭০ শতাংশ আশংকা কমে৷ সম্প্ৰতি কৰ’না ৰোগীক এণ্টিব’ডী ক’কটেলৰ ছিংগল ড’জ প্ৰয়োগৰ বাবে অনুমতি প্ৰদান কৰিছে ডি চি জি আই অৰ্থাৎ ড্ৰাগ্ছ কণ্ট্ৰ’লাৰ জেনেৰেল অৱ ইণ্ডিয়াই৷