বিটিআৰ নৱনিৰ্বাচিত কংগ্ৰেছৰ একমাত্ৰ পাৰিষদৰ বিজেপিত যোগদান

আমাৰ অসম, ১৪ ডিচেম্বৰঃ বিটিআৰ পৰিষদীয় নিৰ্বাচনত জয়ী হোৱা কংগ্ৰেছৰ একমাত্ৰ পাৰিষদ সজল কুমাৰ সিংঘৰ বিজেপিত যোগদান। শ্ৰীৰামপুৰৰ পৰা জয়ী হোৱা কংগ্ৰেছ-এআইইউডিএফ মিত্ৰজোঁটৰ একমাত্ৰ প্ৰতিনিধি সজল কুমাৰ সিংঘয়ে সোমবাৰে মন্ত্ৰী ড০ হিমন্ত বিশ্ব শৰ্মাৰ উপস্থিতিত আনুষ্ঠানিকভাৱে বিজেপিত যোগদান কৰাৰ কথা প্ৰকাশ কৰে।

কাইলৈ কোকৰাঝাৰৰ বডোফা পথাৰত হ’বলগীয়া শপত গ্ৰহণ অনুষ্ঠানত মুখ্য কাৰ্যবাহী হিচাপে প্ৰমোদ বড়োৱে শপত গ্ৰহণ কৰাৰ লগতে গোবিন্দ বসুমতাৰীয়ে উপ-মুখ্য কাৰ্যবাহী ৰূপে শপত ল’ব। এই অনুষ্ঠানতে বিজেপিৰ দুগৰাকীয়ে আৰু গণ সুৰক্ষা পাৰ্টীৰ এগৰাকীয়ে সদস্য ৰূপে শপত গ্ৰহণ কৰাৰ কথা প্ৰকাশ কৰে মন্ত্ৰী ড০ হিমন্ত বিশ্ব শৰ্মাই।