শীতকালত নিতৌ গা ধুলে স্বাস্থ্যৰ ক্ষতি হ’ব পাৰে
আমাৰ অসম বিশেষঃ শীতকালত গা ধুৱাৰ কথা ক’লে বহুতৰে ভয়ত যেন হাত ভৰি লুকায়৷ যদি বতৰ ডাৱৰীয়া হয় তেতিয়া হ’লেতো কথাই নাই৷ শীতকালত বহুতে দিনৰ পাছত দিন ধৰি গা ধুবলৈ বাদ দি পলায়৷ ইয়াৰ বিপৰীতে বহুতে আৰু প্ৰচণ্ড শীততো ঠাণ্ডা পানীৰে গা ধুই ভাল পায়৷ তেওঁলোকৰ যুক্তি বিষেহে বিষ আঁতৰ কৰিব পাৰে৷ শীত কালত গা ধুবলৈ ভয় কৰা সকলোৱে জানি ভাল পাব যে শীতকালত নিতৌ গা ধুৱাতো ভাল নহয় বুলি মত ব্যক্ত কৰিছে বিশেষজ্ঞসকলে৷ বিশেষজ্ঞসকলৰ মতে আমাৰ দেহৰ ত্বকে নিজেই নিজক পৰিষ্কাৰ কৰি ৰাখিব পাৰে৷ কিন্তু যদি আপুনি নিতৌ শৰীৰ চৰ্চা কৰে বা অধিক পৰিশ্ৰম কৰে আপোনাৰ দেহৰ পৰা ঘাম নিৰ্গত হয় তেতিয়াহে নিতৌ গা ধুৱা উচিত৷ অন্যথা শীতকালত দুই-তিনিদিনৰ মূৰত গা ধোৱা কৰক৷ কাৰণ–
- নিতৌ গৰম পানীৰে গা ধুলে ত্বক অধিক শুষ্ক, খহতা হয়৷ ত্বকৰ আদ্ৰতা হ্ৰাস পায়৷
- ত্বকৰ পৰা প্ৰাকৃতিক তেল নিঃসৰণ বন্ধ হৈ যায়৷
- গৰম পানীৰে গা ধুৱাৰ সময়ত নখে প্ৰচুৰ পৰিমাণে গৰম পানী শোষণ কৰি লয়৷ ইয়াৰ ফলত নখ শুষ্ক আৰু দুৰ্বল হৈ যায়৷
- নিতৌ গা ধুলে শীতৰ পৰা নিজক ৰক্ষা কৰিবলৈ ত্বকত এক ধৰণৰ বেক্টেৰিয়াৰ সৃষ্টি হয়৷ যি আমাৰ শৰীৰৰ পক্ষে ক্ষতিকাৰক৷