কামৰ অধিক বোজা, অত্যাধিক দায়িত্ব, মানসিক অৱসাদ, পাচন তন্ত্ৰৰ বিসংগতি, মাজে মাজে হোৱা জ্বৰ বা দীৰ্ঘদিনীয়া বেমাৰ, মগজুত আঘাত পোৱা আদিৰ বাবেও স্মৃতি শক্তি হ্ৰাস পায়৷ স্মৃতি শক্তি হ্ৰাস পোৱাৰ ফলত যিকোনো কথা সোনকালে পাহৰি যোৱা পৰিলক্ষিত হয়৷

- কেইটামান বাদাম বাকলিৰে সৈতে এৰাতি পানীত তিয়াই ৰাখক৷ পাছত বাকলি এৰুৱাই গৰম গাখীৰৰ সৈতে মিহলাই খালে সুফল পোৱা যায়৷ অথবা বাদাম খিনি এচামুচ ঘিউ আৰু দুচামুচ চিনিৰে মিহলাই গৰম কৰি খালেও স্মৃতি শক্তি বৃদ্ধিত সহায় কৰে৷

- আনহাতে কেইটামান বাদাম পানীত তিয়াই ৰাখি বাকলি এৰুৱাই কেইটামান জালুকৰ সৈতে বটি খালে স্মৃতি শক্তি বৃদ্ধি পায়৷ এইদৰে খোৱাৰ পাছত কুহুমীয়া গাখীৰ সেৱন কৰিলেও ভাল ফল পাব৷ 

- স্নায়ু তন্ত্ৰৰ দুৰ্বলতাৰ বাবেও স্মৃতি শক্তি হ্ৰাস পায়৷ আমলখি কেইটামান পুৱা চোবাই খালেও মানসিক দুৰ্বলতা হ্ৰাস পোৱাৰ লগতে স্মৃতি শক্তিও বৃদ্ধি পায়৷ 

- ছয়াবিন গাখীৰৰ সৈতে খালে স্মৃতি শক্তি বৃদ্ধি হয়৷

- বিট এবিধ অত্যন্ত পুষ্টিকাৰক পাচলি৷ বিট নিয়মীয়া কৈ খালে শৰীৰত তেজৰ পৰিমাণ বৃদ্ধি পোৱাৰ উপৰি স্মৃতি শক্তি বৃদ্ধি কৰে৷ 

- লিচুৰ ৰস দুচামুচ, অমিতাৰ ৰস আধাকাপ, আমৰ ৰস আধাকাপ একেলগে মিহলাই খালে স্মৃতি শক্তি বৃদ্ধি পায়৷

- স্মৃতি শক্তি বৃদ্ধিৰ বাবে টোপনি গুৰুত্বপূৰ্ণ৷ প্ৰয়োজনীয় টোপনিৰ অভাৱতে স্মৃতি শক্তি হ্ৰাস পায়৷ নিশা সোনকালে শোৱা আৰু সোনকালে উঠাৰ অভ্যাস কৰিলে স্মৰণ শক্তি বৃদ্ধি পায়৷

- পুৱা শুই উঠাৰ পাছতে চাহ বা কফি খোৱাৰ পৰিৱৰ্তে এগিলাচ নেমুপানী খালে স্মৃতি শক্তি বৃদ্ধি পায়৷

- নিমখ আৰু মচলা কমকৈ খাব লাগে ইয়াৰ পৰিৱৰ্তে আমলখি, নেমু, আদা নিয়মীয়াকৈ খালে স্মৃতি শক্তি বৃদ্ধি পায়৷