গুৰুজনাৰ তিথিত ড্ৰাইডে’ ঘোষণা

‘আমাৰ অসম’ৰ মহানগৰৰ বিশেষ প্ৰতিবেদক, ২৩ ছেপ্টেম্বৰঃ অসমীয়া জাতিৰ জনক স্বৰূপ মহাপুৰুষ শ্ৰীমন্ত শংকৰদেৱৰ জন্মোৎসৱ উপলক্ষে অহা ২৪ ছেপ্টেম্বৰত অসম চৰকাৰে ৰাজ্যজুৰি ড্ৰাই ডে ঘোষণা কৰিছে৷ ৰাজ্য চৰকাৰৰ নিৰ্দেশত প্ৰতিখন জিলাৰ জিলা আয়ুক্তই এটা নিৰ্দেশ যোগে নিজ নিজ জিলাত ড্ৰাই ডে ঘোষণা কৰিছে৷ এই সন্দৰ্ভত জিলা আয়ুক্ত সকলে ২১ ছেপ্টেম্বৰত জাৰি কৰা জাননী অনুসৰি  সেইদিনা ৰাজ্যৰ সকলো সুৰা বিপণী, ক্লাব, বাৰ, বণ্ডেড ৱেৰহাউছ আদি বন্ধ থাকিব৷ কোনো লোকে এই নিৰ্দেশনা অমান্য কৰিলে অসম আবকাৰী আইন অনুসৰি জিলা আয়ুক্ত সকলে বিহিত ব্যৱস্থা গ্ৰহণ কৰিব বুলি নিৰ্দেশটোত উল্লেখ কৰা হৈছে৷