![image](https://aamarasom.com/uploads/posts/ukti.jpg1695543235.jpg)
উক্তি-বক্ৰোক্তি
বিজেপিৰ কাম-কাজবোৰ দেখি আচৰিত হৈছোঁ৷ বিজেপি চৰকাৰে সংসদ ভৱনৰ উদ্বোধনী অনুষ্ঠানলৈ ৰাষ্ট্ৰপতি দ্ৰৌপদী মুৰ্মুক নিমন্ত্ৰণ নকৰিলে৷ কিন্তু নতুন সংসদ ভৱনত অনুষ্ঠিত প্ৰথম অধিৱেশনলৈ বিজেপি চৰকাৰে এগৰাকী অভিনেত্ৰীক নিমন্ত্ৰণ জনালে৷
– কংগ্ৰেছ সভাপতি মল্লিকাৰ্জুন খৰ্গে
সচেতন মানুহে কেতিয়াও মূল্যবৃদ্ধি হোৱা বুলি কোৱা নাই৷
– সাংসদ কামাখ্যা প্ৰসাদ তাছা
তোমালোকে অধিকাৰ কৰি ৰখা কাশ্মীৰ ত্যাগ কৰা৷ পাকিস্তান অধিকৃত কাশ্মীৰ ভাৰতৰহে অংগ৷ তোমালোকৰ কাম হৈছে সন্ত্ৰাসবাদৰ পৃষ্ঠপোষকতা কৰা৷ পাক অধিকৃত কাশ্মীৰৰ পৰা তোমালোক ওলাই যোৱা৷ সেই অঞ্চলটো আমি নিৰাপদে ৰাখি সকলো বাসিন্দাকে সুৰক্ষা দিম৷
– ৰাষ্ট্ৰসংঘত ভাৰতৰ প্ৰথম সচিব পিতাল গেহলট
কংগ্ৰেছক যদি সোধা হয় গান্ধী পৰিয়াল ডাঙৰ নে ভাৰত ডাঙৰ– ইয়াৰ উত্তৰ তেওঁলোকে ততালিকে দিব নোৱাৰে৷ কিন্তু বিজেপিক যদি সোধা হয় ভাৰত ডাঙৰ নে বিজেপি ডাঙৰ, তেন্তে তেওঁলোকে বুকু ফিন্দাই ক’ব– ভাৰত ডাঙৰ৷
– মুখ্যমন্ত্ৰী হিমন্ত বিশ্ব শৰ্মা
নতুন পাৰ্লিয়ামেণ্ট ভৱনটো দেখি এনে লাগিছে, এইটো মোদী মাল্টিপ্লেক্স বা মোদী মেৰিয়ট বুলি নাম দিব পাৰি৷ সংসদ ভৱনটোৰ কাৰুকাৰ্য দেখি তেনে অনুভৱেই হৈছে৷
– কংগ্ৰেছ নেতা জয়ৰাম ৰমেশ
এটা শিৱশক্তি পইণ্ট চন্দ্ৰত, আন এটা শিৱশক্তি পইণ্ট কাশীত৷ মই আজি ভাৰতৰ চন্দ্ৰ অভিযান বিজয়ৰ বাবে পুনৰ অভিনন্দন জ্ঞাপন কৰিছোঁ৷
–প্ৰধানমন্ত্ৰী নৰেন্দ্ৰ মোদী
‘ইণ্ডিয়া’ৰ চৰকাৰ গঠন হ’লে ৰাহুল গান্ধী প্ৰধানমন্ত্ৰী হ’ব৷ কিয়নো কংগ্ৰেছৰ নেতৃত্বত ‘ইণ্ডিয়া’ গঠন হৈছে৷
– কংগ্ৰেছ বিধায়ক ৰকিবুল হুছেইন
মৰুদেশৰ উদ্যোগ আৰু বাণিজ্যমন্ত্ৰী দেখাত ‘কিউট’, এইখন দেশত বাণিজ্য ক্ষেত্ৰৰ সকলোৱেই মোৰ ভাই-ভনী৷
– পশ্চিমবংগৰ মুখ্যমন্ত্ৰী মমতা বেনাৰ্জী