ডিজিটেল সংবাদ, গোলাঘাটঃ দুৰ্গা পূজা সমিতিসমূহত চৰকাৰে আৰ্থিক অনুদান আগবঢ়াব বুলি ঘোষণা কৰাৰ পিছত শুকুৰবাৰে গোলাঘাট জিলাত তিনি বছৰ সম্পূৰ্ণ কৰা দুৰ্গা পূজা সমিতিসমূহক আৰ্থিক অনুদান আগবঢ়োৱা হয়৷ গোলাঘাট পৌৰসভা কাৰ্যলয়ৰ সভাগৃহত অনুষ্ঠিত এই অনুষ্ঠানত অসম চৰকাৰৰ বিত্ত বিভাগৰ মন্ত্ৰী অজন্তা নেওঁগে গোলাঘাটৰ প্ৰায় ৫৪ খন পূজা সমিতিক চেক বিতৰণ কৰে৷ এই চেক বিতৰণ অনুষ্ঠানত গোলাঘাট পৌৰসভাৰ সভানেত্ৰী দুলুমনি বৰবৰা, গোলাঘাটৰ অতিৰিক্ত জিলা আয়ুক্ত দামোদৰ বৰ্মন, গোলাঘাট পৌৰসভাৰ কাৰ্যবাহী বিষয়া ঋষিকেশ বৰুৱা, পৌৰসভাৰ বিষয়াসকলৰ লগতে পূজা সমিতি সমূহৰ সভাপতি, সম্পাদকসকল উপস্থিত থাকে।