নলবাৰীৰ হৰিপুৰত দুৰ্ঘটনা, এজন নিহত

আমাৰ অসম, ৫ ফেব্ৰুৱাৰী: নলবাৰীৰ হৰিপুৰত ৩১ নং ৰাষ্ট্ৰীয় ঘাইপথত সংঘটিত হয় এক পথ দুৰ্ঘটনা। শুকুৰবাৰে সংঘটিত হোৱা দুৰ্ঘটনাটোত থিতাতে নিহত হয় এগৰাকীলোক। নিহত লোকজন পেচাত এগৰাকী অভিযন্তা দিপাংকৰ ডেকা বুলি চিনাক্ত কৰা হয়। আৰক্ষীয়ে প্ৰকাশ কৰা অনুসৰি, লোকজনে ৰাষ্ট্ৰীয় ঘাইপথেৰে বৰমাৰ ফালৰ পৰা আহি থকা অৱস্থাত এখন তীব্ৰ বেগী ট্ৰাকক বাট এৰি দিব খোজোতে নিয়ন্ত্ৰণ হেৰুৱাই বিদ্যুতৰ খুটাত প্ৰচণ্ড জোৰেৰে খুণ্ডা মৰাৰ ফলত দুৰ্ঘটনাটো সংঘটিত হয়। ঘটনাৰ পিছত মৃতদেহটো মৰণোত্তৰ পৰীক্ষাৰ বাবে শ্বহীদ মুকুন্দ কাকতি অসামৰিক চিকিৎসালয়লৈ লৈ যায় আৰক্ষীয়ে। গোপাল বজাৰৰ নিবাসী অভিযন্তা জনৰ অকাল বিয়োগে অঞ্চলটোত শোকৰ ছাঁ পেলাইছে।