উক্তি-বক্ৰোক্তি
⚫সেই শিশুবোৰ, সেই মহিলাবোৰ, সেই বৃদ্ধ-বৃদ্ধাবোৰক বোমা
মাৰি মাৰি হত্যা কৰিছে৷ এই হত্যাৰ কোনো বৈধ কাৰণ নাই৷
কোনো যুক্তি নাই৷ ইজৰাইলে এনেদৰে এফালৰ পৰা
পেলেষ্টাইনত কৰা হত্যাযজ্ঞ বন্ধ কৰক৷
– ফৰাচী ৰাষ্ট্ৰপতি ইমানুৱেল মেক্ৰঁ
⚫মুখ্যমন্ত্ৰী আমাৰ বছ নহয়৷ শংকৰ সংঘৰ সভা বা আন ক’ৰবালৈ
গ’লে মই মুখ্যমন্ত্ৰীক সুধি যাম নেকি? মোৰ ভাষণ শুনি সকলোৱে
প্ৰশংসা কৰিছে৷
– এআইইউডিএফৰ মুৰব্বী বদৰুদ্দিন আজমল
⚫বিশ্বৰ নেতাসকলে হামাছক ধিক্কাৰ দিয়ক৷ ইজৰাইলক ধিক্কাৰ
দিব নালাগে৷ হামাছে আজি যি অপৰাধ ইজৰাইলত কৰিছে,
কাইলৈ সেই অপৰাধ পেৰিছ, নিউয়ৰ্ক বা পৃথিৱীৰ যিকোনো
স্থানত সংঘটিত কৰিব পাৰে৷
– ইজৰাইলৰ ৰাষ্ট্ৰপতি বেঞ্জামিন নেতান্যাহু
⚫বিজেপি চৰকাৰে দুমুখীয়া নীতি গ্ৰহণ কৰে৷ আফতাবুদ্দিন
মোল্লাৰ বক্তব্য আমি সমৰ্থন নকৰোঁ৷ কিন্তু শিলাদিত্য দেৱ আৰু
বদৰুদ্দিন আজমলে একেৰাহে সাম্প্ৰদায়িক মন্তব্য কৰি থাকে৷
বিজেপি চৰকাৰে তেওঁলোকক কিন্তু গ্ৰেপ্তাৰ নকৰে৷
– কংগ্ৰেছৰ সাংসদ প্ৰদ্যুৎ বৰদলৈ
⚫হিজবুল্লা নামৰ সন্ত্ৰাসবাদী সংগঠনটো বেছ স্মাৰ্ট৷ তেওঁলোকে
কৰিছে যিমান তাতকৈ বেছি প্ৰচাৰ চলাবলৈ সক্ষম হৈছে৷
ইজৰাইলে নিজৰ জনসংযোগ উন্নত কৰা প্ৰয়োজন৷ তেওঁলোকে
কিয় পেলেষ্টাইনত উপৰ্যুপৰি আক্ৰমণ কৰি আছে সেয়া বিশ্বক
ভালকৈ বুজাব পৰা নাই৷
– প্ৰাক্তন মাৰ্কিন ৰাষ্ট্ৰপতি ড’নাল্ড ট্ৰাম্প
⚫চিনেমা, গানত ৰাজনীতি আহিব নাপায়৷ যতীন বৰাই ধুনীয়াকৈ
এখন চিনেমা বনাইছে, সকলোৱে চাওক৷ আমি চাই ভাল
পাইছোঁ৷ বহুতে চাইছে, কিছুমানে বিতৰ্ক কৰি আছে৷
– জুবিন গাৰ্গ
⚫সঁচা কথা ক’বলৈ গ’লে মই ভাৰতলৈ আহি এইবাৰ অশেষ মৰম
লাভ কৰিছোঁ৷ আমাৰ দলটোৱেও ভাৰতত সীমাহীন সমৰ্থন
পাইছে৷ মই নিজে ইমান ভাল খেলিব নোৱাৰিলোঁ৷ দলৰ প্ৰদৰ্শনো
সন্তোষজনক নহ’ল৷ কিন্তু এনে সত্ত্বেও ভাৰতীয় দৰ্শকৰ পৰা আমি
বিশ্বকাপৰ আটাইকেইখন মেচত অকুণ্ঠ সমৰ্থন লাভ কৰিলোঁ৷
ভাৰতবাসীক মই ধন্যবাদ জনাইছোঁ৷
– পাক ক্ৰিকেট দলৰ অধিনায়ক বাবৰ আজম
⚫মিষ্টাৰ আদানি, এইবাৰ মহুৱাৰ টিকট কটা যাব বুলি কৈ নিজৰ
সময় নষ্ট নকৰিব৷ মোক খলনায়িকা সজোৱাৰ চেষ্টা চলোৱা
হৈছিল৷ কিন্তু দেখিছোঁ, এতিয়া মই নায়িকাহে হৈ উঠিছোঁ৷ এইবাৰ মোৰ বিজয়ৰ ব্যৱধান দুগুণ হ’ব৷
– তৃণমূল কংগ্ৰেছৰ সাংসদ মহুৱা মৈত্ৰ