অমিতাভ বচ্চন, ছলমান খানক চেৰ পেলালে কপিল শৰ্মাই

ডিজিটেল ডেস্ক : টেলিভিশ্বনৰ দুনীয়াত বৰ্তমান সময়ত ৰিয়েলিটি শ্ব'ৰে ভৰি আছে। প্ৰতিটো চেনেলতে কিছুসংখ্যক ৰিয়েলিটি শ্ব'য়ে যথেষ্ট জনপ্ৰিয়তা লাভ কৰিবলৈ সক্ষম হৈছে। প্ৰবীণ চেলিব্ৰিটিসকলক এই ৰিয়েলিটি শ্ব'ত দেখিবলৈ পোৱা যায়। কিন্তু তাৰে ভিতৰত কেইটামান শ্ব' যেনে- দ্য কপিল শৰ্মা শ্ব', বিগ বছ  আৰু কৌন বনেগা কৰোড়পতিয়ে দৰ্শকৰ মাজত যথেষ্ট জনপ্ৰিয়তা লাভ কৰিবলৈ সক্ষম হৈছে৷ 

শেহতীয়াকৈ অৰমেক্স মিডিয়াই আটাইতকৈ জনপ্ৰিয় ব্যক্তিত্বসকলৰ এখন তালিকা প্ৰকাশ কৰিছে৷ এই তালিকাত কমেডিয়ান তথা অভিনেতা কপিল শৰ্মাই অমিতাভ বচ্চন, ছলমান খানক চেৰ পেলাই শীৰ্ষত স্থান দখল কৰিবলৈ সক্ষম হৈছে৷ আনহাতে কৌন বনেগা কৰোড়পতিৰ আঁত ধৰোতা অমিতাভ বচ্চন দ্বিতীয় স্থানত আছে। বিগ বছ-১৬ ৰ আঁত ধৰোতা ছলমান খান লাভ কৰিছে তৃতীয় স্থান৷

কপিল শৰ্মাৰ কমেডি শ্ব' দ্য কপিল শৰ্মা শ্ব' যথেষ্ট জনপ্ৰিয়। ৰিয়েলিটি শ্ব'ৰ টিআৰপিৰ ক্ষেত্ৰত প্ৰায়ে শীৰ্ষত থাকে দ্য কপিল শৰ্মা শ্ব'৷ প্ৰত্যেক সপ্তাহত চেলিব্ৰিটিসকল কপিল শৰ্মাৰ শ্ব'লৈ আহে আৰু কপিল শৰ্মাই তেওঁলোকৰ সাক্ষাৎকাৰ লোৱাৰ লগতে শ্ব'টোত কমেডিয়ানসকলে দৰ্শকক হাস্যৰসৰ যোগান ধৰে। উল্লেখ্য, কপিল শৰ্মাক সোনকালেই তেওঁৰ আগন্তুক ছবি জৱিগাট'ত দেখিবলৈ পোৱা যাব। ছবিখন নন্দিতা দাসে পৰিচালনা কৰিছে।