আকৌ প্ৰেমত পৰিল ভাইজন : নিজতকৈ ২৪ বছৰীয়া সৰু অভিনেত্ৰীৰ সৈতে প্ৰেম ছলমান খানৰ

ডিজিটেল ডেস্ক : বলীউডৰ ভাইজান অৰ্থাৎ ছলমান খান বৰ্তমান তেওঁৰ আগন্তুক ছবি 'kisi ka bhai kisi jaan'ৰ দৃশ্যগ্ৰহণত ব্যস্ত হৈ আছে৷ তাৰ সমান্তৰালভাৱে চৰ্চা চলিছে যে পুনৰ প্ৰেমৰ বান্ধোনত বান্ধ খাইছে ছলমান খান৷ 

ইয়াৰ পূৰ্বে ছলমানৰ বহুকেইগৰাকী অভিনেত্ৰীৰ সৈতে সম্পৰ্ক আছিল যদিও সেই সম্পৰ্কই পূৰ্ণতা পোৱা নাছিল। চৰ্চা অনুসৰি ছলমান খান আকৌ এবাৰ প্ৰেমত পৰিছে। ছলমান খানে অভিনেত্ৰী পূজা হেগড়েৰ সৈতে প্ৰেমৰ সম্পৰ্কত থকা বুলি চৰ্চা চলিছে। উল্লেখ্য যে ছলমাল খানৰ আগন্তুক ছবি 'kisi ka bhai kisi jaan'ত পূজা হেগড়েই কাম কৰাৰ সময়তে প্ৰেমৰ সম্পৰ্কক লৈ চৰ্চা চলিছে৷ 

ওমেৰ সান্ধুৰ এজন লোকৰ টুইটে বলীউডত এতিয়া আলোড়নৰ সৃষ্টি কৰিছে। টুইটোত ওমেৰ সান্ধুয়ে ছলমান খান আৰু পূজা হেগড়েৰ প্ৰেমৰ সম্পৰ্কৰ কথা উল্লেখ কৰিছে৷ ওমেৰে টুইটত লিখিছে - ব্ৰেকিং নিউজ… ছুপাৰষ্টাৰ ছলমান খান পূজা হেগড়েৰ প্ৰেমত পৰিছে। আগন্তুক দুখন ছবিৰ বাবে পূজাক স্বাক্ষৰ কৰিছে ছলমানৰ প্ৰডাকচন হাউচে।  দুয়োজনে আজিকালি একেলগে সময় অতিবাহিত কৰি আছে আৰু ছলমানৰ ঘনিষ্ঠ বন্ধুয়েও এই কথা নিশ্চিত কৰিছে। 

পূজা হেগড়েই হিন্দীয়ে চিনেমাৰ জৰিয়তে পৰিচয় গঢ়াত সফল হোৱা নাই যদিও দক্ষিণ চলচ্চিত্ৰত তেওঁৰ যথেষ্ট জনপ্ৰিয় অভিনেত্ৰী। পূজা হেগড়েই বলীউডত হৃত্বিক ৰোশনৰ অভিনীত মহেঞ্জোদাৰো অভিনয় কৰাৰ সুযোগ পাইছিল যদিও ছবিখন ফ্লপ হয়। ইয়াৰ পিছত হাউছফুল-৪তো পূজা হেগড়েক দেখিবলৈ পোৱা গৈছিল। বৰ্তমান চৰ্চিত বিষয় ছলমান খান আৰু পূজা হেগড়েৰ প্ৰেমৰ সম্বন্ধ কিমান সত্য সেয়া পৰৱৰ্তী সময়তহে জানিব পৰা যাব৷