মন্ত্ৰী হাজৰিকাই লগতে কয় যে আজমল বিষয়টোত খিলঞ্জীয়া মুছলমানসকলৰ কথা অহা নাই। কিন্তু আমি আকৌ কৈছোঁ যে এই 'আজমলহঁত', অৰ্থাৎ যিখিনি মানুহ লাভ জেহাদী, ভূমি জেহাদী, চোৰ-ডকাইত তেওঁলোকক আমি কঠোৰ হাতেৰে দমন কৰিছোঁ। এই আজমলৰ প্ৰতীকত আব্দুল খালেকো আছে, বাংলাংদেশীয় মূলৰ মানুহখিনিৰ মাজতেই লাভ জেহাদী আছে, ভূমি জেহাদী আছে, চোৰ-ডকাইতৰ সংখ্যা বেছি আছে।

আজমলে অসমীয়াৰ স্বাভিমান চেলেং চাদৰ দলিয়াই দিয়াক লৈ মন্ত্ৰীজনে আৰু কয় যে আপোনালোকে প্ৰতিক্ৰিয়া বিচাৰে কিয়? আপোনালেকে বদৰুদ্দিন আজমলক ডাঙৰ মানুহ সজাই দিয়ে, কেতিয়াবা তেওঁ ক’ৰবাত ১ লাখ টকা এটা দি আহিলে আমিয়ে তেওঁক ভগৱান সজাই দিওঁ। সেইটো কৰিয়ে আমি জাতিটো নষ্ট কৰি আছোঁ। আজমলৰ লগত আমাৰ কোনো মতলব নাই। আজমল যদি সুমেৰুত, আমি কুমেৰুত। এটা কথা ঠিক যে 'আজমলহঁত’ৰ পৰা আমি অসমীয়া জাতিটো বাচিব লাগিব। তাৰ কাৰণে আমি সকলোৱে একলগ হ’ব লাগিব। মন্ত্ৰী হাজৰিকাই পুনৰ কয় যে মুখ্যমন্ত্ৰী ডাঙৰীয়াই বুজাই দিছে যে 'আজমলহঁত’ৰ মাজত কোন কোন আছে। আজমলহঁতৰ মাজত বাংলাংদেশীয় মূলৰ মুছলমান আছে।