বঁটা প্রদান অনুষ্ঠানটোলৈ অসমৰ ৰাজ্যপাল গুলাব চান্দ কাটাৰীয়,  অসম সাহিত্য সভাৰ সভাপতি পদ্মশ্রী ডঃ সূর্য্যকান্ত হাজৰিকা, অসমৰ মুখ্য তথ্য আয়ুক্ত ভাস্কৰ জ্যোতি মহন্ত, অসম জাতীয় বিদ্যালয়ৰ সচিব ডাঃ নাৰায়ণ শৰ্মাৰ দৰে বৰেণ্য ব্যক্তিসকলক আমন্ত্রণ জনোৱা হৈছে। অৰণ্য মানৱগৰাকীক প্রদান কৰিব বিচৰা উক্ত ৰাজ্যিক বঁটাটোত থাকিব এখন ফুলাম গামোচা, চেলেং চাদৰ, সম্বৰ্দ্ধনা পত্র, গ্রন্থৰ টোপোলা, এটা স্মাৰক, জাপি আৰু নগদ ১০ হাজাৰ টকা। 

আনহাতে, দিনৰ ১১ বজাৰ পৰা দীঘলীপুখুৰীৰ শান্তি উদ্যানৰ মুকলি মঞ্চত বিভিন্ন জাতি-জনগোষ্ঠীৰ বাৰেবৰণীয়া কৃষ্টি-সংস্কৃতি, গীত-নৃত্য আদি প্ৰদৰ্শিত হ'ব। অসমৰ প্রায় চল্লিশ লাখ অনুসূচিত জাতিৰ প্ৰধান সমস্যাবোৰৰ লগতে ছাত্ৰ-ছাত্ৰীৰ জলপানি নিয়মীয়াকৈ আদায় দিয়া, বিষয়া- কৰ্মচাৰীসকলৰ পদোন্নতিৰ ক্ষেত্ৰত সংৰক্ষণ আইন সঠিকভাবে প্রয়োগ কৰা, বেকলগ পদসমূহ পূৰণ কৰা, ভুৱা জাতিগত প্রমাণ পত্ৰৰ বিৰুদ্ধে কঠোৰ ব্যৱস্থা গ্রহণ কৰা, অনুসূচিত জাতিক স্বায়ত্ব শাসন প্রদান কৰা আদি পৰিষদৰ দীৰ্ঘদিনীয়া দাবীসমূহ শীঘ্ৰে কাৰ্য্যকৰী কৰিবলৈ মুখ্যমন্ত্রী ডঃ হিমন্ত বিশ্ব শর্মালৈ মুকলি আহ্বান জনাইছো বুলি ৰুবুল দাসে সদৰি কৰে। আনহাতে সংবাদ মেলত  পৰিষদৰ সাধাৰণ সম্পাদক জিতু কাকতি, সাংস্কৃতিক সম্পাদক প্রান্ত কুমাৰ দাস, প্ৰচাৰ সম্পাদক মাখন ডেকা, অমৃত ৰঞ্জন দাস, সাংগঠনিক সম্পাদক পংকজ কুমাৰ বনিয়া, কেন্দ্ৰীয় সদস্য সূৰ্য্য দাস আৰু মহানগৰ সমিতিৰ সম্পাদক সত্যব্রত নাৰায়ণ দাসো উপস্থিত থাকে।