এদিনীয়া ৰেংকিঙত কোহলিৰ স্থানৰ উত্তৰণ

ডুবাই, ২৫ ফেব্ৰুৱাৰীঃ  পাকিস্তানৰ বিৰুদ্ধে চেম্পিয়নছ ট্ৰফীৰ গুৰুত্বপূৰ্ণ খেলখনত শতকীয় ইনিংছেৰে ‘প্লেয়াৰ অৱ দ্য মেচ’ বিবেচিত হোৱা বিৰাট কোহলি আন্তঃৰাষ্ট্ৰীয় ক্ৰিকেট কাউঞ্চিলৰ নতুন ৰেংকিঙৰ বেটিঙৰ পঞ্চম স্থানলৈ উন্নীত হৈছে৷ আনহাতে, ভাৰতক চেম্পিয়নছ ট্ৰফীৰ ছেমিফাইনেলত উপনীত কৰোৱাত গুৰুত্বপূৰ্ণ ভূমিকা লোৱা অ’পেনাৰ শুভমন গীলৰ শীৰ্ষস্থান অপৰিৱৰ্তিত আছে৷ উল্লেখ্য, বাংলাদেশৰ বিৰুদ্ধে অপৰাজিত ১০১ ৰান আৰু পাকিস্তানৰ বিৰুদ্ধে ৪৬ ৰান সংগ্ৰহ কৰা গীলে লাভ কৰিছে ২১ ৰেটিং পইণ্ট৷

তেওঁৰ মুঠ ৰেটিং পইণ্ট হৈছেগৈ ৮১৭৷ দ্বিতীয় স্থানত থকা পাকিস্তানৰ বাবৰ  আজমতকৈ তেওঁৰ পইণ্টৰ ব্যৱধান ৪৭লৈ বৃদ্ধি পাইছে৷ এদিনীয়া ৰেংকিঙৰ বেটিঙৰ তৃতীয় স্থানত আছে ভাৰতীয় অধিনায়ক ৰোহিত শৰ্মা৷ তেওঁৰ পাছত আছে দক্ষিণ  আফ্ৰিকাৰ হেনৰিচ ক্লাছেন৷  শীৰ্ষৰ ১৫ত আছে পাঁচজন ভাৰতীয় বেটাৰ৷ নৱম আৰু পঞ্চদশ স্থানত আছে শ্ৰেয়স আয়াৰ আৰু লোকেশ ৰাহুল৷ ইপিনে, বলাৰৰ ৰেংকিঙত শীৰ্ষৰ দহত থকা একমাত্ৰ ভাৰতীয়জন হৈছে কুলদীপ যাদৱ৷ তেওঁ আছে তৃতীয় স্থানত৷ চেম্পিয়নছ ট্ৰফীত শ্ৰীলংকা নাথাকিলেও বলাৰৰ ৰেংকিঙৰ শীৰ্ষত আছে দেশখনৰ মহীশ টিকছানা৷ দ্বিতীয় স্থানত আছে আফগানিস্তানৰ ৰছিদ খান৷ দক্ষিণ আফ্ৰিকাৰ কেশৱ মহাৰাজ (চতুৰ্থ), নিউজীলেণ্ডৰ মেট হেনৰী (ষষ্ঠ) আৰু অষ্টে˜লিয়াৰ আডাম জাম্পা (দশম) আছে শীৰ্ষৰ দহত৷