আশুতোষৰ অৰ্ধশতক, দিল্লীৰ জয়

বিশাখাপটনম, ২৪ মাৰ্চঃ  আই পি এলত জয়েৰে অভিযান আৰম্ভ কৰিলে দিল্লী কেপিটেলছ৷ বিশাখাপটনমত সোমবাৰে অনুষ্ঠিত খেলত দিল্লী কেপিটেলছে লক্ষ্ণৌ ছুপাৰ জায়েণ্টছৰ বিৰুদ্ধে এক উইকেটত জয় অৰ্জন কৰে৷ দিল্লীৰ সন্মুখত লক্ষ্য আছিল ২১০ ৰানৰ৷ দলটোৱে ১৯.৩ অভাৰত জ্ঝটা উইকেটৰ বিনিময়ত ২১ৰ ৰান কৰি লক্ষ্য অতিক্ৰম কৰে৷ দিল্লী কেপিটেলছৰ হৈ অপৰাজিত অৰ্ধশতক অৰ্জন কৰে আশুতোষ শৰ্মাই [৬৬]৷ এফ ডু প্লেছিছে ১৮টা বলত ২৯ ৰানৰ অৱদান আগবঢ়ায়৷ অধিনায়ক অক্ষৰ পেটেল মাত্ৰ ২২ ৰান কৰি আউট হয়৷ ট্ৰিষ্টান ষ্টাবছে ৩৪ ৰান কৰে৷ ভিপৰাজ নিগম আউট হয় ৩৯ ৰানত৷

ইয়াৰ আগেয়ে প্ৰথমে বেট ধৰি মিচেল মাশ্বৰ্ [৭২] আৰু নিকোলাছ পুৰানৰ [৭৫] অৰ্ধশতকৰ সহায়ত লক্ষ্ণৌ ছুপাৰ জায়েণ্টছে নিৰ্ধাৰিত অভাৰত আঠটা উইকেটৰ বিনিময়ত ২০৯ ৰান সংগ্ৰহ কৰিছিল৷ মাশ্বৰ্ৰ ৩৬ বলৰ ইনিংছত আছিল ছটা চাৰি আৰু ছটা ছয়৷ পুৰানৰ ৩০টা বলৰ ইনিংছটোত আছিল ছটা চাৰি আৰু সাতটা ছয়৷ ডেভিদ মিলাৰ ২৭ ৰানত অপৰাজিত থাকে৷ সোমবাৰে ব্যৰ্থ হয় লক্ষ্ণৌ ছুপাৰ জায়েণ্টছৰ অধিনায়ক ঋষভ পণ্ট৷ তেওঁ ছটা বল খেলি কোনো ৰান নকৰাকৈ আউট হয়৷ আইডেন মাৰ্কৰামে দললৈ ১৫ ৰানৰ অৱদান আগবঢ়ায়৷ দিল্লী কেপিটেলছৰ হৈ মিচেল ষ্টাৰ্কে তিনিটা, কুলদীপ যাদৱে দুটা উইকেট লাভ কৰে৷ এটাকৈ উইকেট লাভ কৰে ভিপৰাজ নিগম আৰু মুকেশ কুমাৰে৷