অসম উডবল দলৰ সাফল্য
‘আমাৰ অসম’ৰ মহানগৰ সংবাদ, ২৭ মাৰ্চঃ ২২ মাৰ্চৰ পৰা ২৬ মাৰ্চলৈ নাগপুৰত অনুষ্ঠিত হোৱা পুৰুষৰ ৰাষ্ট্ৰীয় উডবল প্ৰতিযোগিতাৰ ষ্ট্ৰোক গ্ৰুপ শাখাত অসম উডবল দলটোৱে দ্বিতীয় ৰানাৰ-আপ, মহিলাৰ ষ্ট্ৰোক শাখাৰ ডাবলছত ৰূপৰ পদক, ষ্ট্ৰোক শাখাৰ মিস্কড্ ডাবলছত ব্ৰঞ্জ, মহিলা আৰু পুৰুষৰ ছিংগলছ ফেয়াৰবে শাখাত ক্ৰমে ৰূপ আৰু ব্ৰঞ্জ পদক অৰ্জন কৰিবলৈ সক্ষম হৈছে৷ ভাৰতৰ ২৮খন ৰাজ্যৰ প্ৰায় ৬০০ খেলুৱৈয়ে প্ৰতিযোগিতাখনত অংশ লৈছিল৷
দলটোৰ খেলুৱৈ সকলৰ নাম হৈছে ক্ৰমে পুৰুষ দলৰ ষ্ট্ৰোক শাখাত দ্বিতীয় ৰানাৰ-আপৰ ট্ৰফীৰ বিজয়ীসকল প্ৰাণপ্ৰতীম চলিহা, অবিনাশ দাস, জিগ্লাছ নাথ, শংকুমনি বেজবৰুৱা, ৰিচাৰ্ড কলিতা, জিতুপন দাস, মহিলাৰ ষ্ট্ৰোক ডাবলছত ৰূপৰ পদক লাভ কৰা শেৱালি ব্ৰহ্ম, জ্যোতিষমা বৰুৱা৷ মিক্সড্ ডাবলছ ষ্ট্ৰোক শাখাত ব্ৰঞ্জৰ পদক লাভ কৰা শংকুমনি বেজবৰুৱা, নিলোফা ৰহমান৷ মহিলাৰ ফেয়াৰবে’ ছিংগলছত ৰূপৰ পদক লাভ কপা জোনমণি দাস, পুৰুষৰ ফেয়াৰবে ছিংগলছত ব্ৰঞ্জ পদক লাভ কৰা প্ৰাণপ্ৰতীম চলিহা৷