যশক বিয়া কৰোৱাৰ কথা স্বীকাৰ নুছৰতৰ!
আমাৰ অসম, ১২ অক্টোবৰঃ অভিনেত্ৰী তথা সাংসদ নুছৰত জাহানে অভিনেতা যশ দাশগুপ্তক বিয়া কৰোৱাৰ কথা ইংগিতেৰে প্ৰকাশ কৰাৰ পাছতে তোলপাৰ লাগে ছ’চিয়েল মিডিয়া৷ নুছৰতৰ সন্তান ঈশানৰ পিতৃ যে যশ দাশগুপ্ত, সেই কথা পোহৰলৈ আহিছে৷ ঈশানৰ জন্মৰ প্ৰমাণ পত্ৰত মাতৃ নুছৰত আৰু পিতৃ যশ বুলি উল্লেখ কৰা হৈছে৷ গতিকে সন্তানৰ পিতৃক লৈ চলি অহা কৌতূহলৰ ওৰ পৰে৷ কিন্তু নুছৰত আৰু যশৰ মাজত বিয়া হৈছিল নে নাই তাকে লৈ সকলোৰে মাজত চৰ্চা অব্যাহত আছে৷ কিন্তু দেওবাৰে মাজনিশা নুছৰতে এটা কেক্ৰ ছবি ছ’চিয়েল মিডিয়াত আপলোড কৰে তেওঁ৷ কেক্ৰ ওপৰত লিখা আছিল ‘ৱাই ডি’৷ তাৰ তলতে লিখা আছিল ‘হাজবেণ্ড’ আৰু ‘ডাড’ শব্দ দুটা৷ ফলত ছ’চিয়েল মিডিয়া ব্যৱহাৰকাৰীৰ মাজত কথাটোক লৈ চৰ্চা আৰম্ভ হয়৷ ‘হাজবেণ্ড’ বুলি লিখি নুছৰতে স্বীকাৰ কৰিলে যে তেওঁ আৰু যশৰ মাজত ইতিমধ্যে বিয়া হৈ গৈছে৷ কেক্ কাটি যশৰ জন্মদিন উদ্যাপন কৰাৰ সময়তে নুছৰতে তেওঁক স্বামী হিচাপে ইংগিতেৰে ঘোষণা কৰে৷