৩১ ডিচেম্বৰৰ ৰাতি কাকো মৰিবলৈ নিদিওঁঃমুখ্যমন্ত্ৰী
নৱবৰ্ষ আদৰণি মানে উচ্ছৃংখলতা নহয়
আমাৰ অসম, ৩ডিচেম্বৰঃ‘এইবাৰ ৩১ ডিচেম্বৰৰ নিশা এজনো ল’ৰা মৰিব নিদিওঁ’– এই অংগীকাৰ স্বয়ং মুখ্যমন্ত্ৰী ড॰ হিমন্ত বিশ্ব শৰ্মাৰ৷ দুচকীয়া বাহনত দুয়োজন আৰোহীয়ে ৰ ডিচেম্বৰৰ পৰা হেলমেট পিন্ধাটো বাধ্যতামূলক কৰা সন্দৰ্ভত মত প্ৰকাশ কৰি মুখ্যমন্ত্ৰী ড॰ শৰ্মাই কয়– হেলমেট সকলোৱে পিন্ধিবই লাগিব৷ মানুহক মৰিব দিব নোৱাৰি৷ হেলমেট দুটা বা এটা কি? যদি দুৰ্ঘটনা হয়, মটৰচাইকেলৰ পৰা পৰাৰ পিছত বচাৰ নিয়ম আছে নেকি পিছপিনৰ জন৷ মানুহক বচাব লাগিব৷ তাতে আমাৰ কি স্বাৰ্থ আছে৷ ডেকা ডেকা ল’ৰা মৰি যায়৷ মাক-দেউতাকৰ এটা ল’ৰা দুৰ্ঘটনাত মৰি যায়৷ এইবাৰ মই পণ লৈছো যে ৩১ ডিচেম্বৰত এটাও ল’ৰা মৰিব নিদিওঁ মটৰচাইকেল দুৰ্ঘটনাত৷ ৩১ ডিচেম্বৰৰ পুৱাৰে পৰা সমগ্ৰ অসমত পুলিচ ওলাব৷ কোনো মটৰচাইকেল ৬০১ ওপৰত চলিব নিদিওঁ৷ ল’ৰা এজন মৰি গ’লে দেউতাক-মাকৰ কিমান কষ্ট হয় সেই কথা দেউতাক-মাকেহে বুজি পায়৷ সেয়ে সকলোৱে হেলমেট পিন্ধিব লাগিব৷ হেলমেট পিন্ধা নিপিন্ধাক লৈ আৰক্ষীৰ একো লাভ-লোকচান নাই৷ হেলমেট নিপিন্ধাৰ ফলত দুৰ্ঘটনা এটাত যেতিয়া ল’ৰা এজনৰ মৃত্যু হয় তেতিয়া পৰিয়ালটোলৈ কি বেদনা আহে, দুখ আহে, কষ্ট আহে সেইটো পৰিয়ালটোৱে বুজি পায়৷ নৱবৰ্ষক আদৰা মানে উশৃংখলতা নহয়৷কৰ্ম-সংস্কৃতিৰ নিদৰ্শন দাঙি ধৰিলে মুখ্যমন্ত্ৰীয়ে মুখ্যমন্ত্ৰীৰ দায়িত্ব লোৱাৰ পাছৰে পৰাই নিৰন্তৰ উত্তৰণ, উন্নয়ন আৰু বিকাশৰ স্ব›Ÿ দেখা মুখ্যমন্ত্ৰী ড॰ হিমন্ত বিশ্ব শৰ্মাই দাঙি ধৰিলে কৰ্ম-সংস্কৃতিৰ আন এক উৎকৃষ্ট উদাহৰণ৷ বুধবাৰে নিশা চৰকাৰী কাৰ্যসূচীৰে নতুন দিল্লীলৈ উৰা মৰা মুখ্যমন্ত্ৰী ড॰ হিমন্ত বিশ্ব শৰ্মাক বিমানতো চৰকাৰী ফাইল চোৱাত ব্যস্ত থকা দেখা গ’ল৷ মুখ্যমন্ত্ৰীৰ কোনো ঘনিষ্ঠই এই ফটোখন সামাজিক মাধ্যমত এৰি দিয়াৰ লগে লগে ফটোখন ভাইৰেল হৈ পৰে৷ অসংখ্য গুণমুগ্ধই মুখ্যমন্ত্ৰীৰ কৰ্ম-সংস্কৃতিৰ শলাগ লয়, ভুৰি ভুৰি প্ৰশংসা কৰে৷ এজন নিপুণ আৰু কৰ্মঠ মুখ্যমন্ত্ৰী লাভ কৰা বুলি মন্তব্য কৰি বহুতেই সামাজিক মাধ্যমত মন্তব্য কৰে যে– মুখ্যমন্ত্ৰীৰ নতুন অসমত কেৱল আছে কৰ্ম-সংস্কৃতি, কৰ্মোদ্যোম৷ বাধাৰ প্ৰাচীৰ ভাঙি আগুৱাই যোৱাৰ অনন্ত হাবিয়াস৷ এই নতুন অসমত কেৱল স্পৃহা আছে কামৰ প্ৰতি৷ ২৪ ঘণ্টাই কৰ্মৰ মাজতেই ব্যস্ত থকা মুখ্যমন্ত্ৰীক বিমানতো দেখা পোৱা গ’ল সম্পূৰ্ণৰূপে কৰ্মব্যস্ততাৰ মাজত৷ বিমানৰ ইক’নমিক ক্লাচতে বহি চৰকাৰী ফাইলৰ যাৱতীয় কাম-কাজ সম্পাদন কৰিলে মুখ্যমন্ত্ৰীয়ে৷ প্ৰধানমন্ত্ৰী নৰেন্দ্ৰ মোদীয়ে যেনেদৰে বিমানত বহি যাৱতীয় কাম-কাজ সম্পাদন কৰে, ঠিক একেদৰেই মুখ্যমন্ত্ৰী ড॰ হিমন্ত বিশ্ব শৰ্মাই সম্পাদন কৰিলে চৰকাৰী ফাইলৰ কাম-কাজ৷ উল্লেখ্য যে বৃহস্পতিবাৰে নিশা প্ৰায় ১-৩০ বজাত মুখ্যমন্ত্ৰী নতুন দিল্লীত উপস্থিত হৈছিল৷ বিমান যাত্ৰাৰ প্ৰায় আঢ়ৈ ঘণ্টা সময়ছোৱাত আৰাম কৰাৰ সলনি মুখ্যমন্ত্ৰী ব্যস্ত থাকিল চৰকাৰী ফাইল ছোৱাত৷ মুখ্যমন্ত্ৰীৰ এই কৰ্ম-সংস্কৃতিৰ পৰা ৰাজ্যৰ যুৱ-প্ৰজন্মই বিশেষ অনুপ্ৰেৰণা লাভ কৰিব বুলি বিভিন্নজনে মত পোষণ কৰিছে৷