কেইবাখনো উন্নয়নমূলক আঁচনিৰ শুভাৰম্ভ কেন্দ্ৰীয় গৃহমন্ত্ৰী অমিত শ্বাহৰ

আমাৰ অসম, ২৬ ডিচেম্বৰঃ শনিবাৰে গুৱাহাটীৰ আমিনগাঁৱত কেইবাখনো উন্নয়নমূলক আঁচনিৰ শুভাৰম্ভ কৰে কেন্দ্ৰীয় গৃহমন্ত্ৰী অমিত শ্বাহে। এই বিশেষ অনুষ্ঠানটোত অংশগ্ৰহণ কৰে মুখ্যমন্ত্ৰী সৰ্বানন্দ সোণোৱালৰ লগতে মন্ত্ৰী হিমন্ত বিশ্ব শৰ্মাই। ‘অসম দৰ্শন’ আঁচনিৰ অধীনত ৮,০০০ নামঘৰলৈ আৰ্থিক অনুদান প্ৰদান, গুৱাহাটী দ্বিতীয়খন চিকিৎসা মহাবিদ্যালয়ৰ আধাৰশিলা স্থাপন, মহাপুৰুষ শ্ৰীমন্ত শংকৰদেৱ স্মৃতিজড়িত নগাঁৱৰ বটদ্ৰৱা থানৰ উন্নীতকৰণ আৰু সৌন্দৰ্যবৰ্ধনৰ আধাৰশিলা স্থাপন, ৰাজ্যৰ বিভিন্ন স্থানত স্থাপন হ’বলগীয়া ৯খন আইন মহাবিদ্যালয়ৰ আধাৰশিলা স্থাপন কেতবোৰ আঁচনিৰ শুভাৰম্ভ কৰে কেন্দ্ৰীয় গৃহমন্ত্ৰীগৰাকীয়ে৷