গুৱাহাটী উচ্ছ ন্যায়ালয়ৰ নতুন মুখ্য ন্যায়াধীশ সুধাংশু ঢুলীয়া

আমাৰ অসম, ৮ জানুৱাৰীঃ গুৱাহাটী উচ্ছ ন্যায়ালয়ৰ নতুন মুখ্য ন্যায়াধীশ নিযুক্তি দিয়া হৈছে৷  উত্তৰাখণ্ড উচ্ছ ন্যায়ালয়ৰ ন্যায়াধীশ সুধাংশু ঢুলীয়াক গুৱাহাটী উচ্ছ ন্যায়ালয়ৰ মুখ্য ন্যায়াধীশ হিচাপে নিযুক্তি প্ৰদান কৰিছে৷ কেন্দ্ৰীয় চৰকাৰৰ যুটীয়া সচিব ৰাজিন্দৰ কাশ্যপে বৃহস্পতিবাৰে এটা নিৰ্দেশনাযোগে ৰাষ্ট্ৰপতিৰ অনুমোদন সাপেক্ষে ভাৰতীয় সংবিধানৰ ২১৭ ধাৰাৰ অধীনত ন্যায়াধীশ সুধাংশু ঢুলীয়াক মুখ্য ন্যায়াধীশ নিযুক্তি দিয়াৰ কথা ঘোষণা কৰে৷ উল্লেখ্য গুৱাহাটী উচ্ছ ন্যায়ালয়ৰ পূৰ্বৰ মুখ্য ন্যায়াধীশগৰাকীয়ে অৱসৰ লোৱাত ভাৰপ্ৰাপ্ত মুখ্য ন্যায়াধীশ হিচাপে কাৰ্যভাৰ পালন কৰিছিল ন্যায়াধীশ এন কটিশ্বৰ সিঙে৷