হিমন্তবিশ্বৰ জন্মদিন ধনখড়ৰ বাবে কিয় এক ট্ৰেজেডী

‘আমাৰ অসম’ৰ ষ্টাফ ৰিপ’ৰ্টাৰ, ৩১ অক্টোবৰঃ কটন বিশ্ববিদ্যালয়ত অনুষ্ঠিত মত বিনিময় অনুষ্ঠানত মুখ্যমন্ত্ৰী হিমন্ত বিশ্ব শৰ্মাক ৰাজহুৱাভাৱে প্ৰশংসা কৰিলে দেশৰ উপৰাষ্ট্ৰপতি জগদীপ ধনখড়ে৷ মুখ্যমন্ত্ৰী হিমন্ত বিশ্ব শৰ্মাৰ জন্মদিনৰ কথা বিশেষভাৱে স্মৰণ কৰি ধনখড়ে কয়– অসমৰ মুখ্যমন্ত্ৰী হিমন্ত বিশ্ব শৰ্মাৰ জন্মদিনৰ কথাটো মই বিশেষভাৱে মনত ৰাখোঁ৷ তেওঁৰ জন্মদিনটো  মোৰ কাৰণে ‘ট্ৰেজেডী’৷ কিয়নো হিমন্ত বিশ্ব শৰ্মাৰ জন্মদিনৰ দিনাই মোৰ বিয়া হৈছিল৷ মত বিনিময় অনুষ্ঠানত তেওঁ আৰু কয়– সমাজত অসমতা দূৰ কৰিবলৈ, সমাজ পৰিবৰ্তনৰ আটাইতকৈ প্ৰভাৱশালী আৰু কাৰ্যক্ষম ব্যৱস্থা হৈছে শিক্ষা৷ সমাজৰ বৈষম্য, অন্যায়, অবিচাৰৰ বিৰুদ্ধে যুঁজিবলৈ আমি গুণগত শিক্ষা আহৰণত গুৰুত্ব দিব লাগিব৷ শিক্ষানুষ্ঠান কেৱল পুথিগত শিক্ষা আহৰণৰ স্থান হোৱাৰ পৰিৱৰ্তে হ’ব লাগে গৱেষণা, উন্নয়ন আৰু উদ্ভাৱনৰ কেন্দ্ৰ৷ শিক্ষানুষ্ঠানসমূহে উদ্ভাৱন, গৱেষণা আৰু উন্নয়নত গুৰুত্ব দিব লাগিব৷ তেতিয়াহে পৰিৱৰ্তন সাধন কৰিব পাৰিব৷ ভাৰত আজি ক্ৰমবৰ্ধমান গতিত ধাবমান হৈছে৷ চৰকাৰখনে যিধৰণৰ পদক্ষেপ লৈছে সেই পদক্ষেপৰ জৰিয়তে ভাৰতৰ উত্থান অবিৰত হৈ থাকিব৷ বিশ্বই আমাৰ বিকাশ প্ৰত্যক্ষ কৰিছে৷ আমাৰ অমৃত কাল গৌৰৱ কাল হৈ পৰিছে৷ কাৰণ আমাৰ সভ্যতা অনুসৰি আমি এক উন্নয়নৰ গতিত আগবাঢ়িছোঁ৷ চৰকাৰখনে সংৰক্ষণৰ ক্ষেত্ৰত এটা সাহসী আৰু সুদূৰপ্ৰসাৰী সিদ্ধান্ত লৈ মহিলা সংৰক্ষণ বিধেয়ক গৃহীত কৰিছে৷ ইয়াৰ বাবে দেশবাসীয়ে বহু সময় অপেক্ষা কৰিবলগীয়া হৈছিল৷ মহিলাৰ বাবে সংৰক্ষণ কৰি দেশৰ আধা জনসংখ্যাৰ বাবে ন্যায় কৰা হৈছে৷ ন্যায় সকলোৰে বাবে সমান৷ আইনৰ উধবৰ্ত কোনো নহয়৷ আমি ন্যায় ব্যৱস্থাৰ বিপৰীতে একো কৰিব নোৱাৰোঁ৷ ৰাষ্ট্ৰৰ প্ৰতি বিশ্বাস ৰখাতো আমাৰ ৰাষ্ট্ৰীয় কৰ্তব্য৷ এখন দেশৰ সৰ্বাংগীণ বিকাশ সাধন কৰিবলৈ হ’লে দেশখনৰ প্ৰাকৃতিক সম্পদৰ ব্যৱহাৰৰ সৰ্বাধিক উপযোগিতা পাব লাগিব৷ তাৰ বাবে সম্পদসমূহৰ সংৰক্ষণৰ প্ৰয়োজন আছে৷ ভাৰত সলনি হৈ আছে আৰু ভাৰতৰ উত্থান অপ্ৰতিৰোধ্য৷ আমাৰ বিকাশত পৃথিৱীখন স্তমভিত হৈ পৰিছে৷ আমাৰ অমৃতকাল হৈছে আমাৰ গৌৰৱ কাল কাৰণ আমি এনে এক পথত আছোঁ যিটো আমাৰ সভ্যতাৰ নীতিৰ আধাৰিত৷ শেহতীয়া দিনবোৰত চন্দ্ৰৰ দক্ষিণ মেৰুত অৱতৰণ আৰু জি-২০ৰ অধ্যক্ষতাৰ দৰে বিভিন্ন ঐতিহাসিক সাফল্যৰ তালিকা প্ৰস্তুত কৰি উপ ৰাষ্ট্ৰপতিয়ে কয় যে যোৱা দশকত ভাৰতে ভগ্ন পাঁচটা অৰ্থনীতিৰ মাজৰ পৰা বিশ্বৰ পঞ্চম বৃহত্তম অৰ্থনীতিলৈ যাত্ৰা কৰিছে৷ প্ৰতিটো গোলকীয় মঞ্চত ভাৰতৰ কণ্ঠস্বৰ শুনা গৈছে৷ যিসকলে আমাক পৰামৰ্শ দিছিল, তেওঁলোকে আমাৰ পৰামৰ্শ গ্ৰহণ কৰিছে৷ ভাৰতৰ উত্থান কিছুমানৰ বাবে হজম নহয়, যিসকলে যিকোনো প্ৰকাৰে ভাৰতৰ প্ৰতিষ্ঠানসমূহক কলংকিত আৰু নষ্ট কৰিবলৈ সাজু৷ আমাৰ দেশত বিশ্বাস কৰা, ভাৰতীয়তাত বিশ্বাস কৰাটো আমাৰ ৰাষ্ট্ৰীয় কৰ্তব্য৷ ভাৰতৰ গৌৰৱান্বিত নাগৰিক হওক আৰু আমাৰ সফলতাৰ বাবে গৌৰৱ কৰক৷ আজি যুৱসকলৰ বাবে কোনো সুযোগৰ অভাৱ নাই৷ ‘‘এইটো সঠিক সময়, সঠিক পৰিস্থিতি, সঠিক প্ৰণালী৷ য’ত সকলো সম্ভৱ৷ আপুনি কেৱল প্ৰথম পদক্ষেপ ল’ব লাগিব আৰু প্ৰণালীটোৱে আপোনাক সহায় কৰিব৷ আপোনাৰ সপোনবোৰ বাস্তৱায়িত কৰিবলৈ সঠিক চৰকাৰী নীতি প্ৰস্তুত কৰা হৈছে৷ ক্ষমতাৰ দালাল আৰু দুৰ্নীতিগ্ৰস্ত মধ্যস্থতাকাৰীৰ দ্বাৰা আক্ৰান্ত আমাৰ শক্তি কৰিড’ৰবোৰ এতিয়া সম্পূৰ্ণৰূপে পৰিত্যাগ কৰা হৈছে৷ শক্তি দালালসকলক কতো দেখা নাযায় আৰু সাধাৰণ মানুহ ইয়াৰ আটাইতকৈ ডাঙৰ হিতাধিকাৰী৷ অৰ্থনৈতিক জাতীয়তাবাদক আমাৰ অৰ্থনৈতিক দৰ্শনৰ এক অবিচ্ছেদ্য অংগ বুলি বৰ্ণনা কৰি উপৰাষ্ট্ৰপতিয়ে প্ৰশ্ন কৰে যে আমি কিয় আমাৰ চিন্তাধাৰা সলনিৰ আহ্বান জনাই চিলা, চাকি, মমবাতি, পুতলা, পৰ্দা, আচবাব আদিৰ দৰে সামগ্ৰী উন্নত কৰাৰ ক্ষেত্ৰত আমাৰ মূল্যৱান বৈদেশিক মুদ্ৰা ব্যৱহাৰ কৰোঁ, ভিপিয়ে কয় যে আমি স্থানীয়লোকৰ বাবে মাত মাতিব লাগে৷ মই সকলোকে, বিশেষকৈ আমাৰ উদ্যোগ আৰু ব্যৱসায়ীসকলক অনুৰোধ কৰিম যে ক্ষুদ্ৰ আৰ্থিক লাভৰ বাবে এই পদ্ধতি আমাৰ দেশৰ বাবে ভাল নহয়৷ যদি অতি ভাৰতীয়ই অৰ্থনৈতিক জাতীয়তাবাদ অনুসৰণ কৰাৰ প্ৰতিশ্ৰুতি দিয়ে, তেন্তে তেওঁ ভাৰতৰ অৰ্থনীতিৰ বাবে যথেষ্ট অৱদান আগবঢ়াব৷ প্ৰাকৃতিক সম্পদবোৰ মানৱতাৰ বুলি লক্ষ্য কৰি ভিপিয়ে তেওঁলোকৰ সৰ্বোত্তম ব্যৱহাৰৰ বাবে আহ্বান জনায় আৰু কয় যে এজনৰ বিত্তীয় শক্তিয়ে আমাৰ প্ৰাকৃতিক সম্পদৰ ব্যৱহাৰ নিৰ্ধাৰণ কৰিব নালাগে যেনে পানী, বিদ্য়ুৎ, পেট্ৰ’ল৷ এনইপি-২০২০ ৰ সন্দৰ্ভত উপ-ৰাষ্ট্ৰপতিজনে শিক্ষাৰ্থীসকলক ২০৪৭ চনৰ যোদ্ধা বুলি অভিহিত কৰি তেওঁ কয় যে আমি আমাৰ স্বাধীনতাৰ শতবাৰ্ষিকী ২০৪৭ চনত উদযাপন কৰাৰ সময়ত ভাৰত কি হ’ব সেয়া তেওঁলোকে সিদ্ধান্ত ল’ব৷ বহুকেইজন মুখ্যমন্ত্ৰীকে ধৰি কেইবাজনো প্ৰসিদ্ধ প্ৰাক্তন ছাত্ৰ-ছাত্ৰী প্ৰস্তুত কৰাৰ বাবে কটন বিশ্ববিদ্যালয়ক প্ৰশংসা কৰি উপ-ৰাষ্ট্ৰপতিয়ে তেওঁলোকক প্ৰাক্তন ছাত্ৰ-ছাত্ৰীৰ দ্বিবাৰ্ষিক সভা আহ্বান কৰিবলৈ আৰু মহাবিদ্যালয়ৰ জৰিয়তে সমাজক ঘূৰাই দিবলৈ তেওঁলোকক নিয়োজিত কৰিবলৈ পৰামৰ্শ দিয়ে৷ অনুষ্ঠানত ভাষণ প্ৰদান কৰি মুখ্যমন্ত্ৰী ড॰ শমাৰ্ই কয় যে পূৰ্বে কটন কলেজ আৰু বৰ্তমানে কটন বিশ্ববিদ্যালয় হিচাপে পৰিচিত শিক্ষানুষ্ঠানখন অসমৰ শিক্ষাজগতৰ বাটকটীয়া তথা ৰাজ্যৰ উচ্ছ শিক্ষাৰ নৱ জাগৰণৰ কেন্দ্ৰ হিচাপে পৰিগণিত হৈছে৷ কটন বিশ্ববিদ্যলয়ত মত-বিনিময় অনুষ্ঠানত উপস্থিত থকাৰ বাবে উপ-ৰাষ্ট্ৰপতি জগদীপ ধনখড়ক ধন্যবাদ জ্ঞাপন কৰি মুখ্যমন্ত্ৰীয়ে কয় যে তেওঁৰ এই ভ্ৰমণে যুৱক-যুৱতী আৰু ৰাজ্যৰ শৈক্ষিক সৱলীকৰণৰ দিশত উপ-ৰাষ্ট্ৰপতিগৰাকীৰ থকা দায়বদ্ধতাকে সুচাইছে৷ মুখ্যমন্ত্ৰীয়ে কয় যে এই শিক্ষানুষ্ঠানখনে এশ বছৰতকৈয়ো অধিক সময় ধৰি অঞ্চলটোৰ উচ্ছ শিক্ষাৰ প্ৰসাৰৰ দিশত গুৰুত্বপূৰ্ণ অৰিহণা আগবঢ়াই আহিছে৷ শিক্ষা প্ৰতিষ্ঠানখনৰ বহু স্নাতকে অৰ্থনীতি, বিজ্ঞান আৰু প্ৰযুক্তি, সাহিত্য, সামাজিক কৰ্ম আৰু ৰাজহুৱা জীৱনত উল্লেখযোগ্য অৰিহণা যোগাইছে৷ এই শিক্ষা প্ৰতিষ্ঠানখনৰ সৈতে নিজেও জড়িত থকাৰ বিষয়টো উল্লেখ কৰি মুখ্যমন্ত্ৰীয়ে কয় যে তেওঁ নিজে অধ্যয়ন কৰি থকাৰ সময়ত তদানীন্তন ৰাষ্ট্ৰপতি শংকৰ দয়াল শৰ্মাক এই শিক্ষা প্ৰতিষ্ঠানখনলৈ নিমন্ত্ৰণ কৰাৰ সৌভাগ্য হৈছিল৷ কটন বিশ্ববিদ্যালয়ৰ শৈক্ষিক পৰিৱেশ আৰু বিভিন্ন সাংস্কৃতিক, বৌদ্ধিক, ক্ৰীড়াৰ বিকাশে এই শিক্ষানুষ্ঠানখনক এক নতুন দিগন্তলৈ লৈ যাব৷ প্ৰধানমন্ত্ৰী নৰেন্দ্ৰ মোদীয়ে দেশৰ অমৃত কালৰ পোষকতা কৰিছে৷ বিশ্ববিদ্যালয়সমূহক লাহে লাহে শৈক্ষিক উত্থানৰ এক জীৱন্ত সাক্ষী আৰু এই উত্থানক বৰঙণি যোগাব পৰা জ্ঞান মন্দিৰলৈ ৰূপান্তৰিত কৰিব লাগিব৷ অসমৰ বিশ্ববিদ্যালয়সমূহত নতুন দিনৰ যি পাঠ্যক্ৰম আছে সেই পাঠ্যক্ৰমৰ চৰ্চা হ’ব লাগিব৷ কেনেকৈ ভাৰতৰ আন উন্নত ৰাজ্যসমূহৰ বিশ্ববিদ্যালয়সমূহৰ লগত প্ৰতিযোগিতাৰ পৰিৱেশ সৃষ্টি কৰিব পৰা যায় তাৰ বিষয়ে চিন্তা-চৰ্চা হ’ব লাগে বুলিও মুখ্যমন্ত্ৰীয়ে কয়৷ মুখ্যমন্ত্ৰীয়ে কয় যে বিশ্ববিদ্যালয়ৰ শৈক্ষিক পাঠ্যক্ৰমৰ লগত বৰ্তমানৰ পৃথিৱীৰ জ্ঞানৰ অফুৰন্ত ভাণ্ডাৰসমূহ কেনেকৈ শ্ৰেণীকোঠাৰ এক অংশ হিচাপে ল’ব পৰা যায় তাৰ বিষয়েও চিন্তা-চৰ্চা কৰাৰ প্ৰয়োজনীয়তা আহি পৰিছে৷ কেবল যদি পৰম্পৰাগত শিক্ষাতে আৱদ্ধ হৈ থাকিবলগীয়া হয়, তেতিয়া নিৱনুৱা হৈ থাকিবলগীয়া হয়৷ ভাৰতবৰ্ষৰ অগ্ৰণী ৰাজ্যৰ আধুনিক বিশ্ববিদ্যালয়ত আধুনিক শিক্ষা আৰম্ভ হৈছে৷ সেই বিশ্ববিদ্যালয়সমূহত কোৱাণ্টাম কম্পিউটিং, বিগডাটা এনালাইচিছ, ৰবটিকছ আদি বিষয়সমূহৰ আলোচনা আৰম্ভ হৈছে৷ উদ্যোগ-৪.০ যি আলোচনা হৈছে, তাৰ লগত খাপখোৱাকৈ আমাৰ শৈক্ষিক পাঠ্যক্ৰমসমূহ প্ৰস্তুত কৰিব নোৱাৰিলে বিশ্ববিদ্যালয়সমূহত জ্ঞানৰ সীমাবদ্ধতা থাকিব৷ পৰম্পৰাগত শিক্ষাত আৱদ্ধ হৈ থাকিলে উদ্যোগখণ্ডত যি বিপ্লৱ আৰম্ভ হৈছে তাৰ পৰা আঁতৰি থাকিব লাগিব৷ তথ্য প্ৰয়ুক্তি জগতখনত নিজকে চহকী মানৱ সম্পদ হিচাপে নিমাৰ্ণ কৰিব নোৱাৰিলে জ্ঞানৰ সীমাবদ্ধতা থাকি যাব৷ কণাৰ্টক আৰু তামিলনাডুৰ বিশ্ববিদ্যালয়ৰ শিক্ষা ব্যৱস্থাৰ লগত অসমে ২০ বছৰ পিছুৱাই আছে৷ মুখ্যমন্ত্ৰীয়ে কয় যে অহা ২৫ বছৰৰ কাৰণে মহাবিদ্যালয় আৰু বিশ্ববিদ্যালয়ক আধুনিক শিক্ষাৰে আগুৱাই নিয়াৰ বাবে এক বাতাৱৰণৰ সুচনা কৰিব লাগিব৷ বিশ্ববিদ্যালয়ক কেন্দ্ৰ কৰি সভ্যতাৰ বিকাশ হয়৷ তক্ষশীলা, নালন্দা বিশ্ববিদ্যালয় থকাৰ সময়ত ভাৰতবৰ্ষ সভ্যতাৰ উচ্ছতম শিখৰত আছিল৷ আমাৰ ৰাজ্যখনৰ বিশ্ববিদ্যালয়সমূহে সভ্যতাৰ শিখৰলৈ যাবলৈ হ’লে আজিৰ পাঠ্যক্ৰমৰ পৰিৱৰ্তে ভৱিষ্যতৰ ২৫ বছৰৰ পৃথিৱীখনৰ কল্পনা কৰি পাঠ্যক্ৰমসমূহ প্ৰস্তুত কৰিব লাগিব৷ বিশ্ববিদ্যালয়সমূহত পৰম্পৰাগত শিক্ষা পাঠ্যক্ৰম সলনি হ’ব লাগিব৷ চন্দ্ৰয়ানৰ বৃহৎ সফলতাৰ পিছতো অসমৰ কোনো বিশ্ববিদ্যালয়ত কৰ্মশালাৰ আয়োজন কৰা হোৱা নাই৷ উচ্ছ শিক্ষাৰ দিশত অধিক আগুৱাই যাব লাগিলে শৈক্ষিক ক্ষেত্ৰত বিশেষ পাৰদৰ্শিতা দেখুওৱা বিশ্ববিদ্যালয়সমূহৰ সৈতে শৈক্ষিক সহযোগিতাৰ পৰিৱেশ সৃষ্টি কৰিব লাগিব৷ উন্নত শিক্ষা ব্যৱস্থা তথা আধুনিক পাঠ্যক্ৰম থকা বিশ্ববিদ্যালয়ৰ সৈতে মত-বিনিময় কৰা উচিত৷ শৈক্ষিক ব্যৱস্থাত স্থিতাৱস্থাৰ দিশটো অব্যাহত থাকিলে আগুৱাই যোৱাটো সম্ভৱ নহয়৷ শিক্ষানুষ্ঠানসমূহে নতুন ধাৰণা, প্ৰযুক্তিৰ বীজ অংকুৰিত কৰিব লাগিব৷ মুখ্যমন্ত্ৰীয়ে কয় যে প্ৰধানমন্ত্ৰীয়ে অমৃত কালত এনে এক মানসপটৰ সৃষ্টি কৰিছে য’ত ২০৪৭ চনৰ ভাৰতবৰ্ষখন থাকিব লাগে৷ কটন বিশ্ববিদ্যালয়ে উদ্ভাৱনীমূলক চিন্তাৰে ৰাজ্যখনৰ নতুন প্ৰজন্মক আকৰ্ষিত কৰাৰ বাবে প্ৰয়াস চলাৱ লাগিব৷ বিশ্ববিদ্যালয়সমূহ কেৱল ডিগ্ৰী প্ৰদানৰ মাজতে  সীমাবদ্ধ থাকিব নালাগিব৷ অনুষ্ঠানত শিক্ষামন্ত্ৰী ডাঃ ৰণোজ পেগু, মুখ্য সচিব পৱন কুমাৰ বৰঠাকুৰ, কটন বিশ্ববিদ্যালয়ৰ উপাচাৰ্য ৰমেশ চন্দ্ৰ ডেকা, আৰক্ষী সঞ্চালক প্ৰধান জি পি সিং প্ৰমুখ্যে শিক্ষাগুৰু আৰু ছাত্ৰ-ছাত্ৰীসকল উপস্থিত থাকে৷