ডিজিটেল ডেস্কঃ আৰক্ষীৰ থানাৰ ভিতৰতে সুৰক্ষিত নহয় স্বয়ং আৰক্ষীৰে সামগ্ৰী৷ শেহতীয়াকৈ এজন আৰক্ষী উপ-পৰিদৰ্শকে দাখিল কৰা এখন এজাহাৰক লৈ তীব্ৰ চৰ্চা হৈছে৷ আৰক্ষী উপ-পৰিদৰ্শকজনে কৰ্মৰত থানাৰ পৰাই ৪৫০ টকীয়া এটা ষ্টেপলাৰ চুৰি হোৱাক লৈ চুৰিকাৰ্যৰ তদন্তৰ বাবে থানাৰ ভাৰপ্ৰাপ্ত আৰক্ষী বিষয়ালৈ এজাহাৰ দাখিল কৰিছে৷ এই ঘটনা গুৱাহাটী মহানগৰীৰ বশিষ্ঠ আৰক্ষী থানাৰ৷ ধ্যানজ্যোতি তামুলী নামৰ এজন উপ-পৰিদৰ্শকে ৪৫০ টকীয়া ষ্টেপলাৰ চুৰি ঘটনাৰ তদন্ত দাবী জনাই উক্ত এজাহাৰ দাখিল কৰে৷

এহাজাৰখন উল্লেখ কৰা অনুসৰি, আৰক্ষী উপ-পৰিদৰ্শকজনে থানাৰে মহিলা আৰক্ষীয়ে ষ্টেপলাৰটো চুৰি কৰা বুলি সন্দেহ প্ৰকাশ কৰিছে৷ লগতে তেওঁ উল্লেখ কৰিছে যে ষ্টেপলাৰটো চুৰি হোৱাৰ বাবে তেওঁ কৰ্তব্য সম্পাদন কৰাত বাধা আহি পৰে৷ ষ্টেপলাটো চুৰি হোৱা পাছৰে পৰা তেওঁ মানসিকভাৱে অশান্তি পোৱাৰ লগতে থানাতে তেওঁ সুৰক্ষিত অনুভৱ কৰা নাই বুলি এজাহাৰত উল্লেখ কৰিছে৷

কিন্তু লক্ষণীয়ভাৱে উপ-পৰিদৰ্শক ধ্যানজ্যোতি তামুলীয়ে দাখিল কৰা এজাহাৰত বাৰেপাচি বানান ভুল হোৱা পৰিলক্ষিত হৈছে৷ এছ আই ধ্যানজ্যোতিয়ে অসমীয়াতে লিখা এজাহাৰখনত প্ৰায় ২০টাকৈ বানান ভুল৷ 'ষ্টেপলা'ক 'ষ্টেবল' লিখি ষ্টেপলাৰ উদ্ধাৰৰ বাবে অনুৰোধ জনাইছে এছ আই ধ্যানজ্যোতি তামুলীয়ে৷

প্রতি,

বিষয়: চুৰি হোৱা ষ্টেবল (ষ্টেপলাৰ) উদ্ধাৰ কৰি দিবৰ বাবে অনুৰোধ 

তাং ০৪/১১/২০২৩

মহোদয়,

ইতি,  

আপোনাৰ বিশ্বাসী 

SI (P) Dhyan Jyoti Tamuli Of Basistha PS 

Dated 04/11/2023