চতুৰ্থজন হত্যাকাৰীক গ্ৰেপ্তাৰ কৰিবলৈ আৰক্ষীয়ে ধনটি ডেকা আৰু অৰূপলৈ ডেকাক লগত লৈ অভিযান চলোৱাৰ সম্ভাৱনা আছে৷ ইতিমধ্যে আৰক্ষীয়ে দ্বৈত হত্যাকাণ্ডৰ যথেষ্ট সাক্ষ্য-প্ৰমাণ লাভ কৰা বুলি আৰক্ষীয়ে দাবী কৰিছে৷ আৰক্ষীৰ জেৰাত ধৃত বন্দনা কলিতা, অৰূপ ডেকা আৰু ধনটি ডেকাই দ্বৈত হত্যাকাণ্ডটো কিদৰে, কেনেকৈ হত্যা কৰিছিল সকলো কথা অতি সহজে আৰক্ষীৰ আগত দাঙি ধৰে৷ আৰক্ষীৰ আগত সকলো কথা স্বীকাৰ কৰাৰ বাবেই আৰক্ষীয়ে তিনি হত্যাকাৰীয়ে হেচা দিব লগা হোৱা নাই বুলি তদন্তকাৰী বিষয়াজনে জানিবলৈ দিয়ে৷ উল্লেখ্য, দ্বৈত হত্যাকাণ্ডত বন্দনা কলিতাৰ পিতৃ-মাতৃ জৰিত থকা বুলি ৰাইজে সন্দেহ কৰিছে৷ ‘‘তাই যদি দোষী তেন্তে গুলীয়াই মাৰক৷ তেনেকুৱা ছোৱালী নালাগে আমাক’’- এই ভাষ্য গুৱাহাটী হত্যাকাণ্ডৰ মূল অভিযুক্ত বন্দনা কলিতাৰ পিতৃ কামিনি কলিতাৰ৷ 

নুনমাটি হত্যাকাণ্ডৰ কথা পোহৰলৈ অহাৰ পাছতই একাংশই সন্দেহ কৰিছিল যে বন্দনাৰ পিতৃ-মাতৃও হত্যাকাণ্ডত জড়িত আছিল৷ তাৰ পাছতেই এই প্ৰতিক্ৰিয়া প্ৰকাশ কৰিছিল কামিন কলিতাই৷ বন্দনা কলিতা ওৰফে বন্দনা দে নামৰ মহিলা গৰাকীয়ে নিজ প্ৰেমিকৰ সৈতে মিলি হত্যা কৰিছিল স্বামী আমৰজ্যোতি দে’ আৰু শাহুৱেক শংকৰী দে’ক৷ প্ৰথমে স্বামীক মূৰত প্ৰহাৰ কৰি হত্যাৰ চেষ্টা চলাইছিল৷ কিন্তু তেওঁৰ মৃত্যু নোহোৱাত জীয়াই থকা অৱস্থাতে স্বামীৰ ডিঙি কাটি দিছিল৷ তাৰ পাছতো মৃত্যু নোহোৱাত হাত কাটি দিছিল৷ ১৬ আগষ্ট ২০২২ ত সংঘটিত হৈছিল এই ঘটনা৷ হত্যাৰ পাছত স্বামীৰ মৃতদেহ টুকুুৰা-টুকুৰ কৰি ভৰাই থৈছিল ফ্ৰীজত৷ ইয়াৰ কিছুদিন পুৰ্বে বন্দনাই শাহুৱেক শংকৰী দে’ক ডিঙি চেপি হত্যা কৰিছিল৷ এই দুটা হত্যাকাণ্ডত বন্দনাক সহযোগ কৰিছিল প্ৰেমিক ধনটি ডেকা আৰু অৰূপ দাসে৷ শাহুৱেকক হত্যা কৰাৰ এদিন পাছতেই তিনিও মেঘালয়লৈ গৈ পেলাই দিছিল দুয়োটা মৃতদেহ৷ তাৰ পাছত আৰম্ভ হৈছিল বন্দনাৰ নাটক৷ স্বামী- শাহুৱেক নিৰুদ্দেশ হোৱা বুলি দাখিল কৰিছিল এজাহাৰ৷ ঘৰত কৰিছিল সত্যাননাৰায়ন পূজা৷ তাৰ পাছতেই বন্দনাই অমৰজ্যোতিৰ মোমায়েকৰ লৰাই টকা হৰলুকি কৰা বুলি দ্বিতীয়খন এজাহাৰ দাখিল কৰিছিল৷ আৰক্ষীৰ তদন্তত পোহৰলৈ আহে যে সেই টকা বন্দনাইহে উলিয়াইছিল৷ পৰকীয়া প্ৰেমৰ বাবেই সংঘটিত হয় এই হত্যাকাণ্ড৷ ধনজিত ডেকাৰ সৈতে আছিল বন্দনাৰ প্ৰেমৰ সম্পৰ্ক৷ ইতিমধ্যে ৩ অভিযুক্তক গ্ৰেপ্তাৰ কৰিছে আৰক্ষীয়ে৷ জব্দ কৰিছে মৃতদেহ কঢ়িওৱা বাহন৷ লগতে উদ্ধাৰ হৈছে মৃতদেহৰ কেইটামান টুকুৰা৷ বহু ন ন তথ্য উন্মোচন হৈ আছে এই হত্যাকাণ্ডৰ৷ বন্দনাৰ ঘৰৰ ছাদত উদ্ধাৰ হৈছে বিভিন্ন সা সামগ্ৰী৷ পৰৱৰ্তী সময়ত আৰক্ষীৰ তদন্তত পোহৰলৈ আহিব বন্দনাৰ নৃশংসতাৰ ন ন তথ্য৷